Aktualitet

Pala greke po punon me 4 sportele, ja si paraqitet situata në Kapshticë

Në Kapshticë situata është më e qetë se në Kakavijë. Dogana greke po punon me 4 sportele, ndërsa radha e makinave është 3 km.
Featured image of article: Pala greke po punon me 4 sportele, ja si paraqitet situata në Kapshticë Radha në Kapshticë

KAPSHTICË -Ndërkohë që në pikën kufitare të Kakavijës situata vijon të  jetë problematike, në Kapshticë gjendja është më e qetë. Mësohet se radha e makinave në pikën kufitare të Kapshticës është 3 km për momentin.

Po ashtu bëhet e ditur, se në Kapshticë, pala greke po punon me 4 sportele. Ndërkohë ditën e djeshme, vargu i makinave në Kapshticë shkoi 3.5 km. Gjatë natës ashtu si në Kakavijë edhe në Kapshticë, pala greke nuk ka punuar.

Për më shumë bëhu pjesë e grupit më viral në Facebook, Dosja.al

Në Kakavijë ndërkohë situata vijon të jetë problematike. Për shkak edhe të festës së Shën Mërisë, pala greke po punon me staf të reduktuar. Ndërkohë vargu i makinave sa vjen e shtohet dhe ka shkuar deri në 25 km. Pleq, fëmijë, të sëmurë po qëndrojnë nën rrezet e nxehta të diellit, ndërsa disa prej tyre kanë shfaqur edhe probleme shëndetësore. Gjithashtu mëngjesin e sotëm u shënua edhe një aksident tragjik ku ambulanca shtypi një fëmijë 10 vjeç. Kryeministri Edi Rama ndërkohë në reagimet e tij, është shprehur se këto janë rregullat e vendosura nga shtetit grek dhe se nuk ka çfarë të bëjë.

(g.sh./dosja.al)

Shto Koment