Politike

Paketa Anti-shpifje, Vokshi “zbulon” planin e Ramës: Kërkon të kapë AMA-n me emërime politike

VIDEO
Ish-deputetja demokrate, Albana Vokshi ka akuzuar kryeministrin Edi Rama, se po kërkon të kapë AMA-n me emërime politike, duke bërë të kundërtën e opinionit të Komisionit të Venecias.
Featured image of article: Paketa Anti-shpifje, Vokshi “zbulon” planin e Ramës: Kërkon të kapë AMA-n me emërime politike Albana Vokshi

TIRANË -Ish-deputetja Albana Vokshi ka akuzuar kryeministrin Edi Rama, për kapjen e Autoritetit të Mediave Audiovizive. Në një deklaratë për mediat, Vokshi është shprehur, se Rama kërkon të vendosë në krye të autoritetit që mund të vendosë për mbylljen e një portali, Maklen Mishën, shkruesin e fjalimeve të tij dhe bashkëthemeluesin e “G99”, së bashku me kryebashkiakun Erion Veliaj.

Sipas ish-deputetes, Rama po vepron në kundërshtim me opinionin e Komisionit të Venecias për ligjin Anti-shpifje, ku thuhej se fuqitë e reja nuk duhet t’u jepen AMA-s dhe AKEP, pa siguruar më parë pavarësinë politike.

Deklarata e plotë

Edi Rama kundër Komisionit të Venecias dhe lirisë së medias. Mban në garën për kreun e AMA-s kandidatë politikë. Albana Vokshi: Pavarësia e AMA-s, 1 nga 15 kushtet për nisjen e negociatave me BE. DEKLARATË E PARTISË DEMOKRATIKE, ALBANA VOKSHI Edi Rama është kërcënimi kryesor që Shqipëria të mos përmbushë kushtet për hapjen e negociatave për anëtarësim në Bashkimin Europian.Rishikimi i paketës ligjore të censurës për median online është 1 nga 15 kushtet që qeveria duhet të plotësojë, por partia në pushtet nuk ka ndërmend të veprojë sipas standardeve europiane. Edi Rama po çon përpara planin për të shndërruar në institucion thellësisht partiak Autoritetin e Medias Audiovizive dhe Këshillin Mbikëqyrës të Radio Televizionit Shqiptar, duke treguar se plani i tij nuk është media e lirë, por kontrolli i saj, përmes emërimeve politike në këto institucione. Edi Rama po bën një lojë të dyfishtë dhe të rrezikshme për lirinë e medias. Nga njëra anë bën sikur është i kënaqur nga vendimi i Komisionit të Venecias, që rrëzoi ligjin e tij të censurës, nga ana tjetër vazhdon të mbajë në një garë formale vartësit e tij dhe të Erion Veliajt për kreun e AMA-s. Në ligjin e cencurës së medias, ky është institucioni që vendos mbylljen e një portali online, nëse përshembull, përmbajtja e një shkrimi denoncon aferat korruptive të qeverisë dhe kryeministrit të dështuar Edi Rama.Komisioni i Venecias foli qartë kundër paketën “Rama” për median, duke theksuar 3 parime.

Për më shumë bëhu pjesë e grupit më viral në Facebook, Dosja.al

• Paketa “Rama” rrezikon hapur lirinë e medias dhe të shprehjes
• Paketa nuk duhet të kalojë me ndryshimet e bëra nga qeveria
• Qeveria duhet të mbështesë një mekanizëm vetërregullator me pjesëmarrjen e të gjitha palëve.

“Fuqitë e reja nuk duhet t’u jepen AMA-s dhe AKEP-it, pa siguruar më parë se ato janë mjaftueshëm të pavarur nga partitë politike, nga bizneset e mëdha të medias dhe nga interesat e korporatave të lidhura me politikën,” – thuhet në opinionin e Komisionit të Venecias kundër ligjit të censurës. Çfarë bën Edi Rama që të respektojë këtë vendim të Venecias, i cili është përfshirë si kusht për hapjen e negociatave? Përgjigja është: Asgjë! Bën të kundërtën e asaj që i kërkohet. Synon që, në kundërshtim me ligjin dhe me forcën e kartonave në Kuvend, të emërojë në krye të Autoritetit të Medias, Maklen Mishën, një individ thellësisht politik, siç emëroi në krye të institucionit për komunikimet elektronike, shefin e tij të protokollit. Maklen Misha, themelues i partisë G99 me Erion Veliajn, shkrues i fjalimeve të Edi Ramës,, është projektuar të zërë vendin e lënë bosh nga i ati dhe të marrë drejtimin e AMA-s. Edhe 3 pseudokandidatët e tjerë, që mbushin garën formale, janë rrogëtarë të Edi Ramës dhe Erion Veliajt. Përveçse shkelin ligjin me përkatësine e tyre të theksuar politike, e përbashkëta tjetër e kandidatëve të qeverisë është se asnjëri nuk përmbush kushtin formal të vjetërisë në punë. Me këto kandidime partiake, Autoriteti i Medias degradon në një gjykatë politike që ndëshkon gazetarët dhe mbyll portalet sipas interesit të Edi Ramës. Media online mbetet burim kryesor i informimit të publikut shqiptar, mjeti kryesor i transparencës së aferave korruptive e kriminale të qeverisjes së Edi Ramës. Prandaj, qëllimi i tij është shuarja e çdo zëri kritik ndaj qeverisjes së dështuar, megjithë koston e rëndë për shqiptarët se kjo sjellje autokrate e kryeministrit na pengon dhe na vonon rrugën e integrimit europian. Bashkë me çdo gazetar dhe çdo media që ka për mision të vërtetën, Partia Demokratike do të vazhdojë të bëjë gjithçka që liria e medias dhe liria e shprehjes të mos komandohen me pultin e Kryeministrit!

(g.sh./dosja.al)

 

Shto Koment