Politike

Paketa anti-shpifje/ Vokshi: Po mbahet e fshehtë nga Rama, ftoj gazetarët në protestë, të ngrejmë zërin

Vokshi është shprehur se paketa anti-shpifje po mbahet e fshehtë nga Rama pasi sipas saj ai synon gjobitjen e gazetarëve dhe çdo media që reagon kundër tij.
Featured image of article: Paketa anti-shpifje/ Vokshi: Po mbahet e fshehtë nga Rama, ftoj gazetarët në protestë, të ngrejmë zërin Albana Vokshi, ish-deputetja e PD-së

Tiranë- Nga qeveria është miratuar paketa anti shpifje. Ministrja e Drejtësisë Etilda Gjonaj ka deklaruar së fundmi se kjo paketë rregullon disa ligje kryesore për shërbimet e medias dhe në asnjë dispozite, nuk cënon lirinë e shprehjes dhe pluralizmin e tregut.

Në lidhje me këtë vendim të qeverisë ka reaguar edhe ish-deputetja Albana Vokshi, e cila është shprehur se kjo paketë po mbahet e fshehtë dhe se Rama synon gjobitjen e çdo medie që flet kundër tij.

“Kjo paketë, për aq sa e njohim ne dhe gazetarët, synon gjobitjen e rëndë për çdo media kritike ndaj Edi Ramës deri në mbylljen e tyre. I braktisur, i bojkotuar, i refuzuar nga 85% e shqiptarëve, Rama po kërkon të mbyllë gojën e atyre që denoncojnë aferat e tij të korrupsionit apo lidhjet e tij dhe të qeverisë së tij me krimin.”, shprehet ajo.

Reagimi:

Në një vend ku fletë votimi gjenden lirshëm, gazetarët nuk mund të gjejnë dot vendimin e Edi Ramës për censurimin e medias online.

Paketa për kontrollin total të medias, që u miratua dje me nxitim në qeveri, pa u konsultuar me përfaqësuesit e medias, po mbahet e fshehtë. Kjo paketë, për aq sa e njohim ne dhe gazetarët, synon gjobitjen e rëndë për çdo media kritike ndaj Edi Ramës deri në mbylljen e tyre.

I braktisur, i bojkotuar, i refuzuar nga 85% e shqiptarëve, Rama po kërkon të mbyllë gojën e atyre që denoncojnë aferat e tij të korrupsionit apo lidhjet e tij dhe të qeverisë së tij me krimin.

Për të ndaluar rikthimin e dënimeve për agjitacion dhe propagandë, ftoj gazetarët të ngrejnë zërin kundër humbjes totale të lirisë së tyre profesionale.

Ftoj qytetarët të bashkohen me opozitën në protestën e madhe kombëtare, të hënën më 8 korrik, ora 20.00 para kryeministrisë.

J.V/Dosja.al 

Një Koment në “Paketa anti-shpifje/ Vokshi: Po mbahet e fshehtë nga Rama, ftoj gazetarët në protestë, të ngrejmë zërin

  1. O Vokshi kaba,nga qe ti sja thua per asgje ne jete,une mendoj qe per te dale sa me dinjitoze kjo proteste hidhu deri ne Talje dhe merr Vocin,ajo te ben gjemen per doktorrin e pd-n

Shto Koment