Aktualitet

Paketa “Anti-Shpifje”/ Debate tek “Media”, Marku sherr me Kumbaron: S’keni as etikë dhe as integritet. Ish-ministrja ikën nga mbledhja

Debate tek Komisioni i Medias për paketën Anti Shpifje. Mark Marku ka deklaruar se ky projektligjet duhet të ndalohen pasi cënojnë lirinë e medias. Sherr me Kumbaron, e quan njeri pa etikë dhe integrimet. Ish-ministrja braktis mbledhjen.
Featured image of article: Paketa “Anti-Shpifje”/ Debate tek “Media”, Marku sherr me Kumbaron: S’keni as etikë dhe as integritet. Ish-ministrja ikën nga mbledhja

Tiranë- Komisioni Parlamentar për Edukimin dhe Median është mbledhur sërish sot, për 2 projektligjet e Paketës Anti-shpifje të propozuar nga kryeministri Edi Rama. Pas debate Mark Marku,  Alfred Lela dhe Agron Gjekmarkaj braktisën mbledhjen.

Në mbledhjen e sotme, pedagogu Mark Marku u shpreh i prerë se projekt-ligjet cënojnë lirinë e medias dhe se kjo ndodh vetëm në sistemet diktatoriale. Gjatë fjalës së tij ai pati një përplasje edhe me ish-ministren e Kulturës, Mirela Kumbaron, pasi kjo e fundit nuk ishte dakord me deklaratat e pedagogut. Në një moment debati kaloi në ofendime. Marku u shpreh ndaj Kumbaros nuk ka as etikë dhe as integritet, kjo e fundit braktis mbledhjen. Nuk mungoi edhe një sherr mes Valterit dhe Lelës. Deputeti e quajti analistin alabak.

Pjesë nga fjala e Markut

“Ky projekt ligj duhet të ndalojë. Kushtetuta ndalon çdo organ që cënon lirinë e medies. Nuk mund të mendoj sesi një ligj bëhet nga 12 deputetë, nuk e di kush e ka bërë këtë ligj. Mos bëni ligje kot, ne do të vazhdojmë rezistencën. Ne jemi të shqetësuar, ky ligj cënon lirinë themelore, lirinë e medias. Jemi në sistem diktatorial këtu, kap ça të kapësh bën një ligj. Abuzimi që bëhet me lirinë e fjalës, ky është një shqetësim i të gjithëve. Legjislacioni e zgjidh këtë punë, kush shpif dënohet, kemi punuar 4 vite për këtë punë. Tani ne po bëjmë një ligj tjetër ku morrën udhëzime nga BE-ja për 4 vite, po e kthejmë mbrapsht. Kjo propagandë e shfrenuar ndodh vetëm në diktaturë. Po tentohet që zërat e lirë individuale, të shuhen me këtë ligj. Ajo që po bëni do ju sakatojë edhe juve. Unë bëj thirrje që të bojkotohet ky ligj. ”, u shpreh Mark Marku ndër të tjera. 

Për më shumë bëhu pjesë e grupit më viral në Facebook, Dosja.al

Në mbledhjen e djeshme të Komisionit të Medias gazetari Ylli Rakipi, i quajti dy projektligjet e Paketës Anti-shpifje si diçka totalitare dhe fashiste.

Qeveria socialiste është investuar prej 2 vitesh në krijimin e një pakete të quajtur “Paketa Anti-shpifje”e cila pritet do të kalojë në Kuvend në 19 dhjetor. Kjo paketë, e cila synon të vendosë rregulla në mediet online, është pritur negativisht nga gazetarët dhe organizatat që mbrojnë fjalën e lirë. Me këtë ligj, Shqipëria kthehet në vendin e vetëm në Evropë që gazetarët dhe mediat gjobiten me vendime administrative. Por përveç gjobave media online do të përballet dhe me mbyllje, ku parashikohet një gjë e tillë kur publikohet 5 “fake news”, bllokohet për një vit.

J.V/Dosja.al

  • 12:10

    ‘Alabakë, çfarë e di veten ti?”/ Alfred Lela sherr me Halit Valterin, analisti: E di veten deputet?

    Debate të shumta ka pasur sot në Komisionin e Medias, ku u diskutua për “Paketën Anti-shpifje”. Një debat të ashpër ka pasur mes deputetit Halit Valterit dhe Alfred Lelës.

    Ky i fundit gjatë debatit është shprehur ndaj Valterit: E veten deputet? Ndërsa Valteri nuk ka hezituar ta quajë alabak.

    Debati: 

    Lela: A mbarove zotri, mbarove, sikur je tapë mo burrë i dheut, i ke sytë… (nuk dihet se për kë e kishte analisti këtë, për Valterin apo deputet tjetër në sallë)

    Dhimitri: O Milva ju po zhvilloi kështu seancën, po i ofendoi pra ata, po i censuroni…

    Valteri: Asnjë deputeti të Republikës së Shqipërisë ju nuk i drejtoheni dot, a je tapë apo jo ….. Për çfarë ke ardhur për të dhënë logari t’i këtu ?

    Lela: E di veten deputet?

    Valteri: Po ti çfarë e di vet, copa alabakësh…

  • “Turp, ju nuk keni as etikë dhe as integritet”/ Sherr mes Mark Markut dhe Kumbaros, ish-ministrja largohet nga mbledhja

    Debate të ashpra ka pasur ditën e sotme në Komisionin e Medies, ku po diskutohet për paketën anti-shpifje. Mark Marku në fjalën e tij se nëse kjo paketë kalohet në Kuvend është anti-ligjore dhe cënon lirinë e medias. Nuk ka munguar edhe një ndërhyrje e Mirela Kumbaros, e cila u përplas në debat me Mark Markun.

    Debati:

    Mark Marku: O Mirela a ka mundësi të paktën….se nuk ka ardhur në furgon.

    Kumbaro: A ta mbaj fjalën për procedurë.

    Mark Marku: Po më duket vetja sikur janë në furgonin e Tiranë-Elbasan. Po pak edukatë se je edhe pedagoge, nuk jemi në furgon këtu, ju flisni dhe bëni muhabet.

    Kumbaro: Qetësohu dhe ruaj etikën.

    Marku: E keni bërë parlamentin si furgon. Më tregoi edukatën ti mua. Po folët unë do ngrihem do ju bëj thirrje edhe kolegëve të mi.

    Kumbaro: Jeni i lirë të bëni çfarë të doni. Mungesë totale etike (largohet nga mbledhja)

    Marku: Ju nuk keni as etikë dhe as integritet, turp.

Shto Koment