Ekonomi

Paketa 2 e ndihmës deri më 3 shtator janë paguar 172.5 mijë përfitues, shpërndahet 42% e fondit të Garancisë Sovrane 2

Më 25 gusht, sakaq përfundoi afati i dorëzimit të ankesave për punonjësit dhe bizneset, për të dyja paketat financiare të ndihmës.
Featured image of article: Paketa 2 e ndihmës deri më 3 shtator janë paguar 172.5 mijë përfitues, shpërndahet 42% e fondit të Garancisë Sovrane 2 Foto ilustruese

Deri më 3 shtator ndihmën financiare prej 40,000 lekë në kuadër të Paketës 2 financiare e miratuar në mesin e muajit prill, e kanë përfituar 172,490 punonjës të larguar nga puna në 47,440 biznese.

Fondi i paguar është rreth 6,9 miliardë lekë. Nga totali i përfituesve, sipas shifrave të përditësuara nga Ministria e Financave janë paguar 82% e tyre. Numri i pritshëm i përfituesve të bonusit prej 40 mijë lekësh është 210 mijë të punësuar. Pas ndryshimeve në VKM për përfshirjen e të larguarve nga puna për periudhën 1 Mars deri më 17 Maj nga 10 Prill që ishte më parë, u shtuan edhe 32 mijë përfitues të tjerë nga 178 mijë që ishte në fillim totali i tyre.

Më 25 gusht, sakaq përfundoi afati i dorëzimit të ankesave për punonjësit dhe bizneset, për të dyja paketat financiare të ndihmës.

Për Masën 4, që janë të larguarit nga puna në sektorin e turizmit, sipas të dhënave të Financave, fondi i paguar është 196 milionë lekë dhe numri i përfituesve është 4,920 punonjës në 1,004 biznese. Shpërndarja e ndihmës për këtë fashë ka mbetur e pandryshuar për muajt korrik-gusht. Përfitues të ndihmës për këtë sektor llogaritet të jenë 10 mijë të punësuar.

Për Masën 1 për subvencionim për punonjësit e larguar + aktualë në bizneset me të ardhura mbi 14 milionë lekë të mbyllur nga urdhrat e MSHMS-së  janë paguar 9,430 punonjës për 819 biznese. Fondi i paguar është 377,2 mln lekë. Totali i pritshëm i përfituesve për këtë fashë është 1,286 biznese me xhiro mbi 14 mln lekë do të përfitojnë 26 mijë punonjës(nga të cilët 6 mijë të larguar nga puna.)

Për të larguarit nga puna për periudhën 1 mars deri më 17 maj, përfitues të Masës 2 janë paguar 65,592 në 10,469 biznese. Fondi i paguar është 2,6 mld lekë. Shpërndarja e bonusit për këtë masë është drejt përfundimit, ku deri tani kanë përfituar 91% e totalit prej 71 mijë të përfituesve.

Për Masën 3 fondi i paguar deri në fillim të muajit shtator është 2,7 mld lekë. Numri i punonjsve të paguar është 68,317 dhe 31,706 biznese. Me këtë masë po subvencionohen gjithë punonjësit e bizneseve me të ardhura nën 14 milionë lekë (përjashtuar 8,000 persona në profesionet e lira, tregtia, farmacitë, përfituesit e pagës së luftës së Paketës 1, etj.) Deri tani është shpërndarë ndihma për 68% të përfituesve nga 100 mijë që parashikohet totali i tyre.

Për më shumë bëhu pjesë e grupit më viral në Facebook, Dosja.al

Burimi: MF

Garancia Sovrane 2

Rreth 42% e totalit të fondit për kredi nëpërmjet Garancisë Sovrane 2 është shpërndarë deri më 3 shtator, sipas të dhënave të Financave. Totali i fondit për t’u shpërndarë me këtë masë është 15 mld lekë.

Numri i bizneseve që kanë aplikuar për përfitim të fondeve është 303 dhe 197 prej tyre janë miratuar. Fondi i shpërndarë për aplikimet e miratuara është 6,2 mld lekë. Për kredi nëpërmjet Garancisë Sovrane 2 mund të aplikohet nga bizneset në të gjithë sektorët e ekonomisë për kapital qarkullues dhe investime në bankat e nivelit të dytë. Intrumenti që ndan riskun me bankat është se 60% e principalit të çdo huaja mbulohet nga shteti. Afati i shlerjes është deri në 5 vjet dhe 6 muaj është periudha pa shlyerje të principalit (grace period).

Marrë nga Monitor.al

(f.m/dosja.al)

Shto Koment