Kulture

Pak orë para finales së Eurovizion, Jonida Maliqi merr dhuratën e veçantë

Sot, Jonida Maliqi do të ngjitet e dyta në skenë e madhe europiane të këngës për të performuar "Ktheju tokës", kënga që u kualifikua në finalen e këtij kompeticioni kaq të rëndësishëm muzikor.
Featured image of article: Pak orë para finales së Eurovizion, Jonida Maliqi merr dhuratën e veçantë Jonida Maliqi.

IZRAEL- Pas kualifikimit nga gjysmëfinalja e dytë e Eurovizion, Jonida Maliqi me siguri ka marrë shumë dhurata nga miq e familjarë, por kjo do të jetë padyshim një nga më të veçantat.

Kanë qenë pikërisht, njerëzit më të ngushtë të familjes së saj, e ëma Arta, motra e saj, mikesha, Jona Hadëri dhe disa nga bashkëpunëtorët më të mirë të Jonidës që e kanë surprizuar pikërisht kur ajo nuk e priste.

Ata kanë shkuar në Tel Aviv dhe kanë vendosur që të jenë pranë saj në momentet emocionuese që ajo ka pasur në karrierën e saj si artiste.

Për më shumë bëhu pjesë e grupit më viral në Facebook, Dosja.al
Postimi i Jonida Maliqit në Instagram.

Mes miqsh të ngushtë, familjarët e bashkëpunëtorët më të mirë, artistja do ta ketë më të lehtë çdo emocion dhe eksperiencën në skenën e madhe të finales së Eurosong 2019.

L.K/Dosja.al

Shto Koment