Kulture

Pa homazhe dhe pa duartrokitjet e shqiptarëve, ceremonitë mortore të ikonave të artit, COVID-19 s’u lejoi nderimet e fundit

Shqipëria ka humbur disa nga figurat më të shquara gjatë shtetrrethimit prej koronavirusit. Ata u përcollën thjeshtë, pa homazhe dhe pa lamtumirën e fundit nga artdashësit e tyre. Kush janë ata? Dëshirat e tyre të fundit?
Featured image of article: Pa homazhe dhe pa duartrokitjet e shqiptarëve, ceremonitë mortore të ikonave të artit, COVID-19 s’u lejoi nderimet e fundit Rikard Ljarja, Maks Velo dhe Gëzim Kruja

TIRANË– Pandemia e koronavirusit ka gjynjëzuar botën duke detyruar njerëzimin që të heqë dorë nga çdo ritual dhe zakon, të cilat janë ndjekur që nga lashtësia. Një ndër to është nderimi për të vdekurit.

Në Shqipëri është traditë që të ndarët nga jeta të nderohen sipas të gjitha dokeve dhe zakoneve por që prej fillimit të marsit, kur edhe u shënuan rastet e para më koronavirus, gjithçka duket se është harruar. Gjatë ditëve të karantinës Shqipëria ka humbur edhe disa nga figurat më të njohura dhe më të spikatura të artit shqiptar.

Por u përcollën thjeshtë pa homazhe, pa një tufë lule të admiruesëve të tyre por vetëm me duartrokitje të qytetarëve që kishin dalë në ballkone.

GËZIM KRUJA- Emblema e humorit shkodran

Lamtumira e Gëzim Krujës

Më 6 prill u nda nga jeta aktori i mirënjohur i humorit, Gëzim Kruja.
Për  shkak të situatës së pazakontë ai u përcoll në banesën e fundit vetëm nga disa familjarë pa pasur mundësinë të shkojë edhe njëherë, për të fundit herë në teatrin “Migjeni”, aty ku u afrimua si aktor dhe veshi petkun e qindra roleve.

Kruja ndërroi jetë në moshën 80-vjeçarare për shkak të probleme shëndetësore që ka pasur vitet e fundit. Ndër vite gjatë gjithë karrierës së tij aktori shkodran që ka mbetur në mendjen e çdo shqiptari është nderuar me tituj të mëdhenj për artin  e tij, por fati e deshi që ai të dërgohet i vetëm në banesën e fundit, me duartrokitjet e atyre që u dedikojë jetën; publikut.

Humbja e dytë e “Dedës”

Ceremonia e Rikard Ljarjes

Aktori dhe regjisori Rikard Ljarja u nda nga jeta më 20 prill në moshën 77-vjeçare. Edhe Ljarja, vuante prej kohës nga një sëmundje e rëndë, e cila i mori edhe jetën. Ndoshta e kishte parandjerë fatin e tij, dhe aktori kishte lënë një amanet. Kur të ndahej nga jeta donte një ceremoni të thjeshtë dhe familjare.

Për më shumë bëhu pjesë e grupit më viral në Facebook, Dosja.al

Dhe ashtu ndodhi…

Ai u përcoll nga familja në qytetin e tij të lindjes në Shkodër, ku edhe prehet ashtu siç edhe donte. Familja e tij ka njoftuar të gjithë miqtë dhe dashamirësit e tij, se ceremonia për shkak të situatës do të bëhet vetëm me rrethin e ngushtë familjar dhe sipas amanetit të tij, Ljarja do të prehet në qytetin e Shkodrës. Megjithatë kishte edhe nga ata që nuk mund ta linin pa nderime mikun e tyre.

Edhe pse në karantinë, çifti Roza dhe Dhimitër Anagnosti shkuan për t’i dhënë lamtumirën e fundit. Thjeshtë, ashtu siç edhe ai donte aktori, i njohur më së shumti për rolin e fillrojtësit “Dedë”, u largua nga kjo botë duke shënuar një humbje të madhe për artin shqiptar.

Maks Velo

Ceremonia e Maks Velos

Arkitekti dhe piktori i njohur Maks Velo, ndërroi jetë më 7 mars, në moshën 84-vjeçare. Autori i disa prej veprave më të shënuara arkitekturore në vend dhe një pasurie të madhe kulturore e të shkurar kishte të njëjtin fat me dy aktorët.

Velos iu dha lamtumirë e fundit në një cermoni të thjeshtë, pjesëmarrës në të cilën ishte edhe kryebashkiaku Erion Veliaj, miq e familjarë. Pas shumë viteve vuajtje në burgjet komuniste, mesa duket Velo “zgjodhi” të shkonte i vetëm…pa pjesëmarrjen e atyre që ndoshta e përndiqnin dhe nuk e ndihmuan kurrë. Ata që edhe ai vetë i quante përbindësha!

(k.m.f.g./dosja.al)

Shto Koment