Ekonomi

OST kërkon rritje! ERE po shqyrton çmimin e energjisë që do paguajnë konsumatorët, OSHEE s’ka kërkuar ndryshim

VIDEO
Kompania e shpërndarjes së energjisë ka bërë aplikimin për tarifën e vitit 2021 një javë më parë, ndërsa kërkesa është duke u shqyrtuar nga Enti Rregullator.
Featured image of article: OST kërkon rritje! ERE po shqyrton çmimin e energjisë që do paguajnë konsumatorët, OSHEE s’ka kërkuar ndryshim Foto ilustruese

Enti Rregullator i Energjisë nuk ka vendosur ende për çmimin që do të paguajnë vitin e ardhshëm konsumatorët fundorë.

Burime zyrtare për televizionin Klan, pranuan se kompania e shpërndarjes së energjisë ka bërë aplikimin për tarifën e vitit 2021 një javë më parë, ndërsa kërkesa është duke u shqyrtuar nga Enti Rregullator.

Në kërkesë, kompania OSHEE nuk ka kërkuar ndryshim të çmimit, por të njëjtën tarifë që ka aplikuar në 5 vitet e fundit: 9.5 lekë/kwh për abonentët familjarë, 14 lekë për bizneset dhe 7.6 lekë/kwh për furrat e bukës.

Për më shumë bëhu pjesë e grupit më viral në Facebook, Dosja.al

I vetmi ndryshim në kërkesën për tarifë është ajo e çmimit që kompania e shpërndarjes OSSH do t’i faturojë kompanisë FSHU, për shkak të ndarjes në 3 shoqëri të operatorit të sistemit të shpërndarjes. Nga 4.79 lekë/kwh, çmimi për OSSH do të rritet në 5.98, por të gjithë ngarkesën do ta mbajë furnizuesi universal dhe jo konsumatori.

Edhe Operatori i Sistemit të Transmetimit ka kërkuar rritje me 40% të tarifës, nga 0.75 lekë/kwh në 1.31, por kjo kërkesë është kthyer për plotësim dokumentacioni dy herë deri më sot nga ana e ERE-s.

Vitin e shkuar ERE e miratoi tarifën më datën 31 dhjetor, ndërsa nëse nuk merr një vendim këtë vit, kompanitë mund të vazhdojnë me tarifat që janë në fuqi dhe vendimmarrja të bëhet vitin e ardhshëm.

Marrë nga Tv Klan

Shto Koment