Blerina Bala zgjidhet kryebashkiake e komanduar në Himarë/ Banorët shkaktojnë tensione në mbledhje, një prej tyre pështyn Tavon
Goro dhe Beleri në burg, Këshilli Bashkiak i Himarës zgjedh sot drejtuesin e ri 29 Mars, 09:22 Zgjedhja e drej...
Goro dhe Beleri në burg, Këshilli Bashkiak i Himarës zgjedh sot drejtuesin e ri 29 Mars, 09:22 Zgjedhja e drej...
Atentati ndaj avokatit në Memaliaj/ Reagon policia: Autori qëlloi në ajër për t'i kanosur, sekuestrohet arma e për...
Arrestimet në Bashkinë e Tiranës, SPAK njoftim zyrtar: Akuzohen për korrupsion dhe shkelje në tendera 28 Mars, 17:51 ...
"Mos të fshihet roli i Olsi Ramës në trafikun e drogës", Bardhi- Dumanit: Provoni që në Shqipëri hetohet kush...
TIRANË– Kreu i PD-së, Lulzim Basha ka bërë me dije vendimin e marrë brenda Këshillit Kombëtar për djegien e mandateve të opozitës.
“Këshilli Kombëtar vendosi djegien e mandateve me efekt të menjëhershëm. Në këtë 20 shkurt viti 2019, 28 vite pas rrëzimit të simbolit të diktaturës më të egër që ka përjetuar Europa, shqiptarët do kenë përkrah PD-në. Kurrë më të drejtat e njeriut të mos shkelen siç kanë ndodhur këto 5 vite, që vendit t’i rikthehen zgjedhjet e lira e të ndershme”, tha Basha.
Në një deklaratë për mediet jashtë selisë, Basha ftoi mbështetësit e partisë së tij, të cilët ishin mbledhur në oborrin e PD-së në protestën e nesërme që do të zhvillohet para Kuvendit.
“Ju ftoj se askush të mos mungojë në protestën e nesërme në orën 10:00 para Kuvendit të Shqipërisë, i cili do t’i kthehet Shqipërisë dhe shqiptarëve dhe jo krimit. Zoti i bekoftë shqiptarët, zoti e bekoftë Shqipërinë. Fitore….!”
Më tej, Basha tha se ishte populli ai që e dha mesazhin për opozitën dhe se ai bashkë me deputetët e tjerë iu bindën atij.
“Pas urdhrit të sovranit, i cili ushtoi fuqishëm në protestën më të madhe të 16 shkurtit ne nuk kemi asnjë rrugë tjetër dhe zgjedhim ti’ bindemi urdhrit të sovranit. Sovrani është populli, jeni ju. Përmes këtij vendimi të vështirë dhe të paprecedentë ne synojmë të çojmë deri në fund betejën tonë për vlerat europiane.
Fjala e plotë e Bashës:
Kam nderin dhe privilegjin t’ju bëj të ditur vendimin unanim të Këshillit Kombëtar të Partisë Demokratike të Shqipërisë për djegien e mandateve parlamentare me efekt të menjëhershëm.
Në këtë 20 shkurt të vitit 2019-të, 28 vite pas rrëzimit të simbolit të diktaturës më të egër që ka përjetuar Europa, shqiptarët, të bashkuar si asnjëherë, do të kenë në krahun e tyre Partinë Demokratike. Njerëzit tanë do të jenë në krah të qytetarëve si qytetarë të thjeshtë, për të vendosur që kurrë më në Shqipëri të mos vendoset një rregjim tjetër diktatorial. Kurrë më ligjet, Kushtetuta, të drejtat themelore të njeriut, të mos shkelen e të dhunohen siç ka ndodhur rëndom këto 5 vite të qeverisjes kriminale dhe të korruptuar, që vendit t’i kthehen zgjedhjet e lira e të ndershme dhe parlamenti të mos jetë më strofkull e krimit dhe e korrupsionit, port ë jetë tempull i Demokracisë, përfaqësues i denjë i qytetarëve shqiptarë.
Ne e hedhim këtë hap pasi kemi shterruar çdo mundësi tjetër për t’i kthyer legjitimitetin institucioneve të mbetura apo për të ringritur ato që janë shkatërruar apo kapur nga krimi i bërë njësh me pushtetin dhe pushteti i bërë njësh me krimin. Por, pas urdhrit të sovranit, i cili ushtroi fuqishëm në protestën më të madhe që Shqipëria ka parë, atë të shtunës së kaluar, 16 shkurtit, ne nuk kemi asnjë rrugë tjetër dhe zgjedhim me përgjegjësi të plotë t’i bindemi urdhrit të sovranit.
Sovrani në Republikën e Shqipërisë është populli, ndaj qytetarët jeni ju.
Përmes këtij vendimi të veshtirë dhe të paprecedent, ne synojmë të çojmë deri në fund betejën tonë për vlerat europiane.
Ne do ta hapim derën që na është mbyllur tash sa vjet, ne do ta hapim derën që na çon drejt Europës. Ajo derë është shpëtimi ynë, por ajo derë do të hapet vetëm kur vendi të ketë zgjedhje të lira e të ndershme, kur vendi të ketë një shtet të së drejtës, nuk dhunon të pafajshmit dhe mbron të korruptuarit dhe kriminelët.
Ne do ta hapim atë derë, kur ndarja e pushteteve dhe përgjegjësia vetëm para qytetarëve, të garantojë një qeverisje të përgjegjshme që u bëhet krah njerëzve, duke filluar me më të pamundurit, duke filluar me ata që kanë më shumë nevojë për ndihmë dhe duke vazhduar me të gjithë qytetarët shqiptarë, të papunët, sipërmarrjen e vogël, fermerët, profesionistët, shtresen e mesme, biznesin që të
hapë vende pune e të gjenerojë mundësi, liri dhe vlera, për të përndjekurit politikë, për t’i dhënë fund sagës së tyre që është turpi ynë si komb dhe pronarëve, për t’i dhënë rinisë rolin drejtues. Beteja jonë më e rëndësishme është që rinia shqiptare një orë e më parë të marrë në dorë fatet e këtij vendi, sepse ajo do të jetë ora e parë europiane e Shqipërisë.
Zonja dhe zotërinj!
Vendimi i marrë sot, është vetëm fillimi i një beteje, por unë e di se këtë betejë të madhe, ne të gjithë së bashku do ta fitojmë për Shqipërinë, për demokracinë, për Europën, për Amerikën. Do ta fitojmë për të sotmen, do ta fitojmë për të nesërmen, për të ardhmen e këtij vendi.
Ndaj ju ftoj, askush mos të mungojë, zonja dhe zotërinj, qytetare e qytetarë, demokratë dhe socialistë të tradhëtuar nga rilindja kriminale, në protestën e nesërme në orën 10.00 para Kuvendit të Shqipërisë i cili një orë e më parë do t’i kthehet Shqipërisë dhe shqiptarëve dhe jo krimit dhe korrupsionit.
Zoti e bekoftë Shqipërinë!
Zoti i bekoftë shqiptarët!
Fitore!
(k.m./dosja.al)
Tirana është boshatisur për ditët e pushimit. Cilën nga ritet e shenjta po ndiqni:
TIRANË– Kreu i PD-së, Lulzim Basha ka bërë me dije vendimin e marrë brenda Këshillit Kombëtar për djegien e mandateve të opozitës.“Këshilli Kombëtar vendos...
BRUKSEL- Komisioneri për Zgjerim në Bashkimin Europian, Johannes Hahn ka zhvilluar një takim me ministrin e deleguar të punëve të Jashtme, Gent Cakaj.Me anë të ...
TIRANE- Ish-kryeministri Sali Berisha ka vijuar me publikimin e denoncimeve të mbërritura në faqen e tij në Facebook.Berisha ka publikuar mesazhin e një qytetar...
PËRRENJAS- Pas Bashkisë së Skraparit e cila shpalli pak ditë më parë mbylljen e shkollave (Lexo këtu), kopshteve dhe institucioneve, edhe Bashkia e Përrenj...
TIRANË- Pak orë e ndajnë opozitën nga protesta e ditës së nesërme para parlamentit. Protesta e paralajmëruar, pritet të zhvillohet në orën 10:00 të paradit...
TIRANË- Deputeti i Partisë Demokratike, Ervin Salianji, ka ankimuar sot në Gjykatë vendimin e Prokurorisë për shtyrjen e afatit të hetimeve për çësh...
Gazeta “Tema” ka publikuar një shkrim ditën e sotme në të cilën theksohet se deputetët e PD-së Gent Strazimiri dhe Edi Paloka ‘rekrutojnë persona problematikë n...
TIRANË- Deputeti i PS-së, Alket Hyseni dhe ish-kreu i SHIK, Fatos Klosi ishin të ftuarmbrëmjen e djeshme në emisionin “Dritare me Rudinën” në “News 24”, ku...
TIRANË- Kreu i Partisë Demokratike, Lulzim Basha, ka kujtuar 20 shkurtin e 1991, ditë që në Shqipëri u rrëzua busti i diktatorit Enver Hoxha.Në një shënim ...
TIRANË– Ish-kryeministri Sali Berisha ka ndarë një denoncim nga qytetari dixhital. Sipas denoncimit të ndarë nga ish-kryeministri në rrjetet sociale, shefj...