Aktualitet

Goditet ‘supergrupi’ në Lezhë/ Policia u bën ‘namin’ 4 të arrestuarve, u sekuestron 95 kg kanabis, 11 mijë € dhe 3 makina!

Policia nuk i ka publikuar emrat e tyre por vetëm inicialet duke bërë me dije se janë prangosur: K. D., 23 vjeç, banues në Shkodër, K. L., 28 vjeç, A. T., 32 vjeç, banues në Vlorë dhe K. T., 50 vjeç, banues në Shkodër, të cilët ndodheshin në dy mjetet që po kontrollonin rrugën.
Featured image of article: Goditet ‘supergrupi’ në Lezhë/ Policia u bën ‘namin’ 4 të arrestuarve, u sekuestron 95 kg kanabis, 11 mijë € dhe 3 makina! Pamje nga operacioni

LEZHË– Policia e Shtetit ka finalizuar operacionin e koduar “Gjadëri”, ku edhe u sekuestruan 95 kg kanabis, 3 automjete, 8 aparate celularë dhe 11000 euro. Në prangat  e Policisë kanë rënë 4 persona, një prej tyre edhe drejtuesi i makinës ku edhe u gjet lënda narkotike.

Në njoftimin zyrtar, Policia nuk i ka publikuar emrat e tyre por vetëm inicialet duke bërë me dije se janë prangosur: K. D., 23 vjeç, banues në Shkodër, K. L., 28 vjeç, A. T., 32 vjeç, banues në Vlorë dhe K. T., 50 vjeç, banues në Shkodër, të cilët ndodheshin në dy mjetet që po kontrollonin rrugën.

Efektivët e Policisë ishin sinjalizuar për një kalim të dyshimte dhe ka bllokuar mjetin tip “BMW”, me drejtues 23-vjeçarin. Gjatë kontrollit u gjëtën të gjitha ‘asetet’ e sekuestruara, ndërkohë që hetimet vazhdojnë për të zbuluar se ku ishte pikënisja dhe destinacioni i lëndës narkotike.

NJOFTIMI I PLOTË:

Lezhë

Goditet një tjetër tentativë për trafikim të lëndëve narkotike.

Finalizohet operacioni policor i koduar “Gjadëri”.

Operacioni nga Seksioni për Hetimin e Trafiqeve dhe Narkotikëve, në bashkëpunim me shërbimet e Komisariatit të Policisë Lezhë.

Sekuestrohen 95 kg lëndë narkotike cannabis sativa, 3 automjete, 8 aparate celularë dhe 11.000 euro.

Për më shumë bëhu pjesë e grupit më viral në Facebook, Dosja.al

Vihen në pranga 4 shtetas.

Në zbatim të planit të masave për shtimin e kontrolleve në të gjithë territorin e qarkut Lezhë, me qëllim parandalimin, evidentimin dhe goditjen e paligjshmërisë, si dhe mbi bazën e informacioneve të siguruara në rrugë operative se në një automjet po transportohej lëndë narkotike nga Vlora në drejtim të Shkodrës, me qëllim trafikimin, Seksioni për Hetimin e Narkotikëve në DVP Lezhë, në bashkëpunim me shërbimet e Komisariatit të Policisë Lezhë, organizoi dhe finalizoi me sukses operacionin policor të koduar “Gjadëri”.

Gjatë operacioni u bë i mundur identfikimi dhe lokalizimi i automjetit që dyshohej se mund të transportonte lëndën narkotike dhe në fshatin Gjadër, Lezhë, shërbimet e Policisë ndërhynë duke bllokuar mjetin tip “BMW”, me drejtues shtetasin K. D.

Gjatë kontrollit të mjetit u gjetën dhe u sekuestruan në cilësinë e provës materiale, në sediljen e pasme dhe në bagazh, 95 kg lëndë narkotike, e dyshuar cannabis sativa

Nga veprimet e shpejta profesionale dhe hetimore rezultoi se mjeti tip “BMW” që transportonte lëndën narkotike paraprihej nga 2 mjete të tjera, me qëllim vënien në dijeni në rast konstatimi të pikave të kontrollit nga ana e Policisë

Gjithashtu, nga kontrolli i ushtruar në të tre mjetet u gjetën dhe u sekuestruan në cilësinë e provës materiale 11.000 euro

Në vijim të veprimeve, Policia ka bërë arrestimin në flagrancë të drejtuesit të mjetit në të cilin u gjet lënda narkotike, shtetasin K. D., 23 vjeç, banues në Shkodër dhe ka bërë ndalimin e shtetasve K. L., 28 vjeç, A. T., 32 vjeç, banues në Vlorë dhe K. T., 50 vjeç, banues në Shkodër, të cilët ndodheshin në dy mjetet që po kontrollonin rrugën

Policia, nën drejtim e Prokurorisë dhe në bashkëpunim me DVP Vlorë dhe DVP Shkodër, po punon për dokumentimin e plotë të kësaj ngjarjeje

(k.m/dosja.al)

Shto Koment