Showbiz

Olta Boka e thotë troç: Dua t’i jap fund lajmit mbi marrëdhënien me mikeshën time Kejsi

Si qëndron e vërteta e miqësisë mes Olta Bokës dhe Kejsi Tolës?! Olta më në fund ka sqaruar gjithçka!
Featured image of article: Olta Boka e thotë troç: Dua t’i jap fund lajmit mbi marrëdhënien me mikeshën time Kejsi Këngëtaret, Kejsi tola dhe Olta Boka.

Olta Boka dhe Kejsi Tola janë shoqe prej shumë vitesh. Bashkë, dy vajzat i ka bërë muzika dhe gjithmonë janë parë nën shoqërinë e njëra tjetrës, por në median rozë  këto ditë ka ‘vluar’ lajmi se dy këngëtaret kanë pësuar një krisje të marrëdhënies shoqërore.

Shkak për këtë u bë një deklaratë e Kejsit në emisionin “Shiko kush luan”, e cila solli një ‘mal’ me keqkuptime dhe të gjithë vunë në dyshim shoqërinë e vajzave, por Olta Boka ka zgjedhur t’i japë fund të gjitha aludimeve lidhur me këtë çeshtje, në profilin e saj në Instagram. Ajo ka postuar një shkrim. Ja si qëndron e vërteta!

“Duke uruar të keni kaluar një të dielë të këndshme, dua t’i jap fund njëherë e mirë (pa u bërë e bezdisshme) lajmit mbi marrëdhënien me mikesheën time shumë të mirë Kejsi Tola.
Edhe pas prononcimit tim, shoh në disa portale, interpretime që nuk kanë transmetuar atë që kam thënë dhe ndodhur në të vërtete!
Së pari, e kam mirëkuptuar me shumë sportivitet përgjigjen e Kejsit në emisionin “Shiko kush Luan” dhe mendoj që kam bërë atë që  çdo mikeshë e ka për detyrim moral të bëj, marrë shkak mbi të gjitha nga një LOJE!
Së dyti, qellimi im për sa i përket “justifikimit të përgjigjes” që mund të pasohej pas thënies së emrit tim në lojë, nuk duhet të ishte kurrësesi për të më sqaruar mua ❌(sepse kuptohet që se kisha aspak të nevojshëm një sqarim), por për të shmangur pikërisht këtë tymnajë dhe lumë interpretimesh dhe pikëpyetjesh mbi miqësine tonë! 
Kështu, do të ishin sqaruar të gjithë ata që dyshuan mbi raportet tona dhe nuk do të ishte kaq e nevojshme të stërhollohej një LOJE nga e cila për qëllim ka argëtimin, të cilin e shijova njësoj dhe veteë!
Më vjen realisht keq që u bëmë pjesë e një situate jo fort të këndshme për të dyja ne, ku mbi të gjitha nuk e kuptoj tendencen dhe sigurinë që kanë portalet për të dhënë një realitet ndryshe të marrëdhënies sonë. Sot është e veshtirë të gjesh miq te mirë rreth vetes, ndaj jam me fat që kam Kejsin pranë meje!”-ka shkruar Olta Boka bashkëngjitur me një foto ku shfaqen dy mikeshat bashkë

Postimi i këngëtares, Olta Boka në Instagram.

Shto Koment