Aktualitet

“Jepini policisë drogë të stërvisë qentë”, Olsian Çela urdhër prokurorëve: Ka shqetësim nga Ministria e Brendshme

Kërkesa i është dërguar Kryeprokurorit, Olsian Çela, ndërsa ky i fundit ia ka përcjellë kërkesën Prokurorisë së Tiranës.
Featured image of article: “Jepini policisë drogë të stërvisë qentë”, Olsian Çela urdhër prokurorëve: Ka shqetësim nga Ministria e Brendshme Qentë dhe Olsian Çela

TIRANË- Policia kap me dhjetëra kilogram hashash por nuk ka drogë për të stervitur qentë e saj. Abc News ka arritur të sigurojë dokumentin ku Ministria e Brendshme ankohet ndaj prokurorëve se nuk u ka vënë në dispozicion drogë për qentë. Kërkesa i është dërguar Kryeprokurorit, Olsian Çela, ndërsa ky i fundit ia ka përcjellë kërkesën Prokurorisë së Tiranës.

Abc News ka siguruar shkresën e firmosur nga Çela, ku thuhet se “Ministria e Brendshme ka ngritur shqetësimin në lidhje me mungesën e lëndës narkotike për nevoja të trajnimit të qenve të shërbimit policor. Drejtuesit e prokurorisë të mbajnë komunikime me strukturat e policisë, për ti informuar mbi çështje të dërguara në gjykatë ku janë sekuestruar lëndë narkotike”.

Kërkesa e Olsian Çelës

TEKSTI I PLOTË I LETRËS

Lënda: Kërkesa për bashkëpunim

Për më shumë bëhu pjesë e grupit më viral në Facebook, Dosja.al

Prokurorisë pranë Gjykatës së Shkallës së Parë

Me shkresën nr. 10279, datë 19.02.2019 “Mbi vënien në dispozicin të sasive të nevojshme të lëndëve narkotike për trajnimin e qenve të Institutit të Përgatitjes së Qenve të Policisë”, Ministria e Brendshme ka ngritur shqetësimin në lidhje me mungesën e lëndës narkotike për nevoja të trajnimit të qenve të shërbimit policor.

Përsa më sipër drejtuesit e prokurorisë të mbajnë komunikime me strukturat e policisë, për ti informuar mbi çështje të dërguara në gjykatë, ku janë sekuestruar lëndë narkotike sipas specifikimeve që u nevojiten. Bashkëngjitur edhe shkresa e Ministrisë së Brendshme.

(Marrë nga ABCNews)

Shto Koment