Bota

OKB-ja jep paralajmërimin e frikshëm: Bota do bëhet “ferr ” për miliona njerëz, liderët duhet të marrin masa parandaluese veprimi për klimën

Studiuesit kanë treguar se liderat politikë kanë dështuar në marrjen e masave për përballimin e zbutjes të ndryshimeve klimatike dhe për ta ndaluar planetin të kthehet në "një ferr të pabanueshëm për miliona njerëz".
Featured image of article: OKB-ja jep paralajmërimin e frikshëm: Bota do bëhet “ferr ” për miliona njerëz, liderët duhet të marrin masa parandaluese veprimi për klimën Foto ilustruese

Organizata e Kombeve të Bashkura ka paralajmëruar një rritje “marramendëse” të katastrofave natyrore gjatë 20 viteve të fundit dhe sipas OKB-së shkak për to janë ndryshimet klimatike.

Sipas CNN, studiuesit kanë treguar se liderët politikë kanë dështuar në marrjen e masave për përballimin e zbutjes të ndryshimeve klimatike dhe për ta ndaluar planetin të kthehet në “një ferr të pabanueshëm për miliona njerëz”.

Gjithashtu, ndikimi i përhapjes së Covid-19 ka marrë jetën e mbi 1 milionë njerëz dhe janë infektuar gati 38 milionë të tjerë. Pavarsisht paralajmërimeve të ekspertëve, pothuajse të gjithë kombet kanë dështuar në përballimin e duhur të sëmundjes, për të shmangur  vdekjet e shumta.

Ndërkohë, midis vitit 2000 dhe 2019, kishte 7,348 katastrofa të mëdha natyrore, përfshirë tërmete, tsunami dhe uragane, sipas Zyrës së OKB për Reduktimin e Rrezikut të Fatkeqësive, duke shënuar kështu pothuajse dyfishin e 4,212 katastrofave të regjistruara midis viteve 1980-1999.

Gjithashtu, sipas studimeve shumica dërrmuese e katastrofave ishin të lidhura me klimën, ku raportohen shumë përmbytje, stuhi, thatësira, valë nxehtësie, uragane dhe zjarre në 20 vitet e fundit.

Për më shumë bëhu pjesë e grupit më viral në Facebook, Dosja.al

Azia është kontinenti më i goditur me 3068 katasfroa, pasuar me Amerikën me 1,756 dhe ndjekur nga Afrika me 1,192. Ndërsa vendi më i prekur gjatë dy dekadave të fundit është Kina, e cila përjetoi më shumë se 500 katastrofa natyrore. Midis katastrofave më vdekjeprurëse janë Tsunami i Oqeanit Indian në vitin 2004, Cikloni Nargis në Mianmar në vitin 2008 dhe tërmeti në Haiti në vitin 2010.

OKB u ka bërë thirrje të gjithë shteteve që të përgatiten më mirë për katastrofat e klimës në të ardhmen, pasi temperaturat e botës pritet të rriten me 3.2 gradë celcius.

“Ne kemi parë pak progres në zvogëlimin e ndryshimeve klimatike dhe degradimit të mjedisit,”- ka thënë Sekretari i Përgjithshëm i OKB-së, Antonio Guterres.

Kjo ngritje e parashikueshme e temperaturës është e mjaftueshme për të rritur frekuencën e ngjarjeve ekstreme klimatike në të gjithë botën.

(k.a/dosja.al)

Shto Koment