Aktualitet

OFL shkon në Tropojë dhe Kukës, i dërgon formularin gjashtë shtetasve të dënuar për drogë dhe vjedhje

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.
Featured image of article: OFL shkon në Tropojë dhe Kukës, i dërgon formularin gjashtë shtetasve të dënuar për drogë dhe vjedhje OFL

TIRANË– OFL i ka dorëzuar gjashtë shtetasve deklarimin e pasurisë. Ata duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

Shtetasit të cilët do të duhet të deklarojnë pasurinë janë Lavdrim Pepkolaj, Arbër Doçi, Besmir Mulgeci, Amarildo Danjolli, Kastriot Brahaj, Ilirjan Nezaj.

Njoftimi i plote:

Për më shumë bëhu pjesë e grupit më viral në Facebook, Dosja.al

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve: L. P., banues në Kukës, i dënuar për veprën penale “Vjedhja me armë”, e kryer në bashkëpunim; A. D., banues në Tropojë, i dënuar në Belgjikë për veprën penale “Grupi i strukturuar kriminal”; B. M., banues në Tropojë, i dënuar në Itali për veprat penale “Trafikimi i narkotikëve” dhe “Prodhimi dhe shitja e narkotikëve”; A. D., banues në Tropojë, i dënuar për veprën penale “Prodhimi dhe shitja e narkotikëve”; K. B., banues në Tropojë, i dënuar për veprën penale “Vjedhja me armë”, e kryer në bashkëpunim; I. N., banues në Tropojë, i dënuar për veprën penale “Shtrëngimi me anë të kanosjes ose dhunës për dhënien e pasurisë”. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

(A.B)/Dosja.al

Shto Koment