Aktualitet

OFL ‘në sitë’ ‘Titin e Ukës’ dhe një lezhjan tjetër të dënuar për drogë, brenda 48 orëve të deklarojnë pasuritë (EMRAT)

Operacioni i Forca e Ligjit u ka dërguar ditën e sotme dy personave, Edmond Sufjas dhe Astrit Limanit, formularët për të deklaruar pasuritë.
Featured image of article: OFL ‘në sitë’ ‘Titin e Ukës’ dhe një lezhjan tjetër të dënuar për drogë, brenda 48 orëve të deklarojnë pasuritë (EMRAT) Astrit Limani dhe OFL

Tiranë- OFL, Operacioni Forca e Ligjit u ka dërguar kërkesat për vetëdeklarim të pasurisë edhe dy personave të tjerë, që janë Edmond Sufja dhe Astrit Limani nga Lezha të dënuar për trafikim të lëndëve narkotike. Brenda 48 orëve dy personat duhet të deklarojnë me shkrim pasuritë e tyre.

Astrit Limani është një emër i njohur për drejtësinë. Ai u arrestua më 10 maj të vitit të kaluar pasi është dënuar nga Gjykata e Milanos me 13 vite burg për trafik ndërkombëtar  droge. 48-vjeçari njihet nga të gjithë si “Titi i Ukës” të cilit në vitin 2015 iu sekuestrua një pasuri me vlerë 10 milionë euro me vendim të Gjykatës së Lezhës. Siç thuhej atëherë në deklaratat zyrtare të policisë e Prokurorisë, në total tre pallate me 230 apartamente banimi dhe një hotel. Në vitin 2013, Astrit Ukë Nimani (Limani) ishte anëtar i Këshillit Bashkiak në Bashkinë e Lezhës, nën siglën e Partisë Ora e Shqipërisë. 49-vjeari është kapur  nga autoritetet serbe në vitin 2013, në pikën e kalimit kufitar të Merdarës, në kufirin me Kosovën. Ai ra në prangat e Policisë për trafik droge.

Njoftimi i Policisë:

Vijon operacioni Forca e Ligjit, në bashkëpunim me strukturat vendore të Policisë, në zbatim të detyrave të përcaktuara në Aktin Normativ të datës 31 janar 2020, për dërgimin e kërkesave për vetëdeklarim të pasurisë, personave që janë subjekt i këtij ligji. Në këtë kuadër, OFL u ka dërguar kërkesat për vetëdeklarim të pasurisë, shtetasve: E. S dhe A. L, banues në Lezhë, të dënuar për trafikim të lëndëve narkotike. Brenda 48 orësh, këta individë, si subjekt i Ligjit Special, duhet t’u përgjigjen me shkrim të gjitha pyetjeve të OFL-së.

Për më shumë bëhu pjesë e grupit më viral në Facebook, Dosja.al

Më pas, përgjigjet e marra do t’i dërgohen SPAK-ut, për veprime të mëtejshme. Me qëllim evidentimin dhe dërgimin në SPAK, të të gjithë personave që janë subjekt i Ligjit Special, OFL është në veprim të pandërprerë dhe në kryerje të veprimeve komplekse. Për të gjitha nismat procedurale dhe operacionet ekzekutive që do të kryejë, OFL do të informojë publikun në vijimësi.

Që prej 3 shkurtit, OFL ka nisur goditjen dhe sekuestrimin e pasurive të emrave të njohur të botës së krimit. OFL ka dërguar tashmë formularin tek Suel Cela dhe Plarent Dervishaj, Dash Gjoka, Emiljano Hysenaj, Lulzim Berisha, Edlir Hysenaj, Altin Hajri, Ardian Capja, grupi i Dukagjinit, Saimir Taullau, Ben Qimja, Durim Bami, Landi Muharremi, Bardhok Pllanaj, Alberto Lamaj, Dritan Dajtit, Xhevdet Troplinit, Emiljano Shullazit, Gjergj Cukalit, Orges Jahelezi dhe Pajtim Serjanit, Gazmend Mahmutajt, Edison Çobos, Ervis Martinajt dhe Arben dhe Valentino Kaçorrit. Sot OFL u dërgoi formularin dhe dy subjekteve të tjerë Altin Lamajt dhe Eduart Dushkut.

J.V/Dosja.al

Shto Koment