Aktualitet

OFL kërkon deklarimin e pasurisë nga 5 të dënuarit në Tiranë, Lezhë dhe Elbasan

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special
Featured image of article: OFL kërkon deklarimin e pasurisë nga 5 të dënuarit në Tiranë, Lezhë dhe Elbasan Foto ilustruese

TIRANË– Operacioni Forca e Ligjit u ndal sot në tre qytete, Tiranë, Elbasan, Lezhë dhe kërkoi deklarimin e pasurisë nga 5 të dënuar per vepra te ndryshme penale.

Bëhet fjalë për shtetasit Angjelin Ndreka, Ndue Jaku, Ilia Pire, Arben Muça dhe Egli Duka, të cilët duhet të deklarojnë pasurinë brenda 48 orës.

Njoftimi i OFL:

Për më shumë bëhu pjesë e grupit më viral në Facebook, Dosja.al

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve: A. N., banues në Lezhë, i dënuar për veprat penale “Vjedhja me dhunë”, e kryer në bashkëpunim dhe “Prodhimi dhe shitja e narkotikëve”; N. J., banues në Lezhë, i dënuar për veprën penale “Vrasja me paramendim”; I. P., banues në Elbasan, i dënuar për veprën penale “Vrasja me paramendim”; A. M., banues në Tiranë, i dënuar për veprën penale “Vrasja me paramendim”, e kryer në bashkëpunim; E. D., banues në Tiranë, i dënuar për veprën penale “Kultivimi i bimëve narkotike”. Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

(A.B)/Dosja.al

Shto Koment