Aktualitet

EMRAT/ Prostitucion, vjedhje me pasojë vdekjen dhe trafik droge, ja kush janë katër subjektet që u trokiti OFL-ja në derë

Brenda 48 orëve, katër personat në fjalë, do të duhet të deklarojnë pasurinë e tyre dhe burimin e të ardhurave. 
Featured image of article: EMRAT/ Prostitucion, vjedhje me pasojë vdekjen dhe trafik droge, ja kush janë katër subjektet që u trokiti OFL-ja në derë Foto ilustruese

TIRANË– Operacioni Forca e Ligjit ka zbarkuar ditën e sotme në Tiranë, Korçë, Tropojë dhe Kukës ku ka dërguar pusullat për katër subjektet e radhës. Përmes njoftimit zyrtar, OFL-ja bën me dije se sot kanë marrë letrën e OFL-së: 

Vito (Vehap) Biba, banues në Tiranë, i dënuar për verpën penale “Prodhimi dhe shitja e lëndëve narkotike, kryer në bashkëpunim”

Abedin Palnikaj banues në Curraj, Tropojë, i dënuar për veprat penale “Vjedhja me pasojë vdekjen, kryer në bashkëpunim” dhe “Armëmbajtja pa leje”.

Baftjar Gjana banues në Resk, Kukës, i dënuar për veprën penale “Shfrytëzim prostitucioni”.

Genti Tahiri banues në Korçë, i dënuar nga Gjykata e Rrethit Gjyqësor Tiranë, për veprën penale “Prodhimi dhe shitja e narkotikëve”.

Brenda 48 orëve, katër personat në fjalë, do të duhet të deklarojnë pasurinë e tyre dhe burimin e të ardhurave. 

Njoftimi i OFL, 30 qershor

Për më shumë bëhu pjesë e grupit më viral në Facebook, Dosja.al

Vijon pa ndërprerë Operacioni Forca e Ligjit, në zbatim të detyrave të përcaktuara në Aktin Normativ të datës 31 janar 2020. Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shkrim për vetëdeklarimin e burimeve të pasurisë, shtetasve:

V. B., banues në Tiranë, i dënuar për verpën penale “Prodhimi dhe shitja e lëndëve narkotike, kryer në bashkëpunim”;

A. P., banues në Curraj, Tropojë, i dënuar për veprat penale “Vjedhja me pasojë vdekjen, kryer në bashkëpunim” dhe “Armëmbajtja pa leje”;

B. Gj., banues në Resk, Kukës, i dënuar për veprën penale “Shfrytëzim prostitucioni”;

G. T., banues në Korçë, i dënuar nga Gjykata e Rrethit Gjyqësor Tiranë, për veprën penale “Prodhimi dhe shitja e narkotikëve”.

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme. OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special. OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

(f.m/dosja.al)

Shto Koment