Aktualitet

Të dënuar për drogë dhe armëmbajtje pa leje/ OFL iu dërgon ‘pusullën’ 3 të ‘fortëve’ në Berat dhe Poliçan (EMRAT)

OFL iu dërgon ‘pusullën’ 3 të ‘fortëve’ në Berat dhe Poliçan. Në sitën e OFL-së janë Gentian Cufe, Alban Canaj dhe Edlir Aliaj.
Featured image of article: Të dënuar për drogë dhe armëmbajtje pa leje/ OFL iu dërgon ‘pusullën’ 3 të ‘fortëve’ në Berat dhe Poliçan (EMRAT) OFL

BERAT- Operacioni Forca e Ligjit ka zbarkuar në Berat dhe Poliçani, ku u kërkon tre të dënuarve të deklarojnë burimin e të ardhurave. Mësohet se në sitën e OFL-së janë Gentian Cufe, Alban Canaj dhe Edlir Aliaj të dënuar për drogë dhe armëmbajtje pa leje. Të tre personat duhet të deklarojnë pasurinë e tyre brenda 48 orëve.

Njoftimi i Policisë:

OFL, 22 qershor. Në zbatim të detyrave të përcaktuara në Aktin Normativ të datës 31 janar 2020, vijon pa ndërprerë Operacioni Forca e Ligjit.

Në kuadër të zbatimit të Ligjit Special për masat pasurore ndaj individëve të dënuar apo akuzuar për krim të organizuar apo krime të rënda, OFL i ka nisur kërkesat me shKrim për vetëdeklarimin e burimeve të pasurisë, shtetasve:

– G. C., banues në Berat, i dënuar nga Gjykata e Apelit të Torinos, Itali, për veprën penale “Trafikim i lëndëve narkotikëve”;

– A. C., banues në Berat, i dënuar nga Gjykata e Milanos, Itali, për veprat penale “Prodhimi dhe shitja e narkotikëve, e kryer në bashkëpunim” dhe “Armëmbajtja pa leje”;

Për më shumë bëhu pjesë e grupit më viral në Facebook, Dosja.al

– E. A., banues në Poliçan, i dënuar nga Gjykata e Rrethit Gjyqësor Tiranë, për veprën penale “Prodhimi dhe shitja e lëndëve narkotike”;

Këta individë, si subjekt i Ligjit Special, duhet t’u përgjigjen me shkrim, brenda 48 orësh, të gjitha pyetjeve të OFL-së dhe më pas, përgjigjet e marra do t’i dërgohen SPAK-ut, për veprime të mëtejshme.

OFL është në veprim të pandërprerë dhe në kryerje të veprimeve komplekse për vendosjen e sekuestrove emergjente mbi pasuritë e dyshuara të përfituara nga krimi, si dhe për dërgimin e formularëve të vetëdeklarimit të gjithë personave që janë subjekt i Ligjit Special.

OFL do të informojë publikun në vijimësi për të gjitha nismat procedurale dhe operacionet ekzekutive që do të kryejë.

J.V/Dosja.al

Shto Koment