Bota

OBSH habit me deklaratën: Që të bllokohet koronavirusi 60% e popullsisë duhet të imunizohet 

Drejtoresha për vaksinat në OBSH, Katherine O’Brian, gjatë një konference për shtyp tha se kjo shkallë e imunitetit është bazuar në një sërë studimesh.
Featured image of article: OBSH habit me deklaratën: Që të bllokohet koronavirusi 60% e popullsisë duhet të imunizohet  OBSH

BOTË- Rreth 60 apo 70 për qind e popullatës duhet të jetë e imunizuar ndaj koronavirusit të ri, në mënyrë që të ulen infektimet.

Drejtoresha për vaksinat në OBSH, Katherine O’Brian, gjatë një konference për shtyp tha se kjo shkallë e imunitetit është bazuar në një sërë studimesh.

O’Brien, megjithatë theksoi se shkalla aktuale e nevojshme e imunizimit për këtë pandemi, do të bëhet edhe më e qartë kur të ketë më shumë të dhëna rreth vaksinave kundër koronavirusit.

Disa kompani tashmë kanë njoftuar se vaksinat e tyre ofrojnë mbrojtje nga koronavirusi deri në 90 për qind.“Është shumë e rëndësishme që të kemi më shumë informacione”, tha ajo.

Për më shumë bëhu pjesë e grupit më viral në Facebook, Dosja.al

Përveç informacioneve se sa janë efektive vaksinat kundër sëmundjes COVID-19, që shkakton koronavirusi, sipas O’Brien, sfidë do të mbeten personat asimptomatikë. Po ashtu, sipas kësaj zyrtareje të OBSH-së, mbetet të shihet nëse vaksinat e zhvilluara kundër koronavirusit, do të parandalojnë përhapjen e mëtejmë të këtij virusi.

Ditëve të fundit, kompanitë farmaceutike AstraZeneca, Moderna dhe Pfizer në bashkëpunim me BioNTech kanë njoftuar për të dhëna premtuese për vaksinat që kanë zhvilluar kundër koronavirusit.

(a.k.dosja.al)

Shto Koment