Politike

‘Nuk votoj hasan e hysen’, Murrizi: Po fusni në Gjykatën Kushtetuese të afërmit tuaj

VIDEO
Murrizi tha se po votohet nga halli e duke qënë kështu nuk ka për të votuar 'hasan e hysen'. Ndër të tjera ai shtoi se në Gjykatën Kushtetuese po kandidojnë persona që kanë lidhje me persona të përfshirë në politikë.
Featured image of article: ‘Nuk votoj hasan e hysen’, Murrizi: Po fusni në Gjykatën Kushtetuese të afërmit tuaj Myslim Murrizi

TIRANË– Deputeti Myslym Murrizi është shprehur para seancës plenare se nuk do të votojë ngritjen e Gjykatës Kushtetuese dhe gjyqtarët që janë propozuar.

Murrizi tha se po votohet nga halli e duke qënë kështu nuk ka për të votuar ‘hasan e hysen’. Ndër të tjera Murrizi shtoi se në Gjykatën Kushtetuese po kandidojnë persona që kanë lidhje me persona të përfshirë në politikë.


Fjala e plotë e Murrizit:

Për më shumë bëhu pjesë e grupit më viral në Facebook, Dosja.al

Nga halli po votoni, por nuk e doni. Nga halli se nuk është në sinkron me atë që duan shqiptarët. Më kujton një shprehje të një gruaje në pazar, që nga zemra e madhe thoshte hë mos ia prish këtij, hë mos ia prish atij, ngela pa bë një fëmijë me burrin tim.SPAK-u të mos funksionojë, SPAK-u të mos merret me ministrat, me 60 kryetarët e bashkive me deputetët, me rreth 2000 drejtorë të rëndësishëm, për të cilët është patur parasysh nga ata të cilët është detyruar në këtë sallë që ta votojnë. Ne sot kemi për të votuar edhe anëtarin e Gjykatës Kushtetuese. Përveç ndërkombëtare, të cilët unë nuk e di që flasin jerm dhe unë nuk di të votoj në kundërshti me Kushtetutën me porosi të asnjë ambasade apo ambasadori cilido qoftë ky. Ose janë të painformuar, ose janë në delir që duan të arrijnë një gjë që të detyrojnë që të votohet një gjë në kundërshtim me Kushtetutën. Neni 156 i kushtetutës e thotë qartë. KED i famshëm i Ardian Dvoranit, që është bërë si Ura e Tabakëve monument kulture, ka ardhur që në 2005 dhe ka 15 vjet që rri në detyrë pa mandat, detyron Kuvendin që o votoni një kandidat të Vlorës, ja rashë e vdiqa se ndryshe… Kështu është detyruar edhe më përpara. Për çfarë e keni bërë këtë Gjykatën Kushtetuese, për të marrë individë të të vijnë të betohen në këtë foltore. Për të marrë bashkëshortët e cave që janë pozicionuar sa andej e sa këtej. Na keni pru Fjona Papajorgjin, shoqen e ngushtë të Tildës. Elsa Toskën, sekretarja dhe mbesa e Dovranit. Marsilda Xhaferllari, bashkëjetueja e fundit e Alibeajt. Vitore Tusha ka filluar nga 91-92 dhe as vetë nuk e mban mend se kur është emëruar dhe po e latë kështu do të iki, njëlloj si kryetari i shtetit që iku 2 javë dhe u kujtua pas 2 javësh që e la karrigen bosh. Albin Binën na e detyron Ardian Dvorani që o e votoni o s’ka. Fut fishat edhe nëpër agjenci diplomatike, që mund të detyrojnë që t’u marrin votë ata që janë në hall me ta. Unë nuk kam ndërmend që të votoj hasan e hysen, kush do qoftë ai që e thotë, qoftë edhe i huaj”,- tha Murrizi.

(A.B)/Dosja.al

Shto Koment