Aktualitet

Nuk respektuan masat anti-COVID! Policia me dorë të hekurt, gjobiten mbi 2 mijë qytetarë në fundjavë

VIDEO
Policia bën me dije se 2013 prej tyre u gjobitën me 3.000 lekë pasi u kapën duke lëvizur në rrugë pas maskat mbrojtëse. 
Featured image of article: Nuk respektuan masat anti-COVID! Policia me dorë të hekurt, gjobiten mbi 2 mijë qytetarë në fundjavë Gjobat per maskat

TIRANË- 2055 qytetarë janë gjobitur gjatë fundjavës pasi kanë shkelur rregullat e vendosura anti-COVID.

Policia bën me dije se 2013 prej tyre u gjobitën me 3.000 lekë pasi u kapën duke lëvizur në rrugë pas maskat mbrojtëse. 

Po ashtu, janë ndëshkuar 235 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.


Njoftimi i plotë: 

Policia e Shtetit. Vijojnë kontrollet në të gjithë vendin, për monitorimin e zbatimit të masave për parandalimin e përhapjes së COVID-19.

Gjatë fundjavës, shërbimet e Policisë kanë evidentuar dhe ndëshkuar me masë administrative, 2055 shtetas që nuk kanë zbatuar masat anticovid, 2013 prej tyre për mosvendosjen e maskës mbrojtëse.

Strukturat e Policisë, krahas përmbushjes së detyrave funksionale për parandalimin, evidentimin dhe goditjen e paligjshmërisë, vijojnë kontrollet në të gjithë vendin, për të monitoruar zbatimin e masave për parandalimin e përhapjes së COVID-19.

Për më shumë bëhu pjesë e grupit më viral në Facebook, Dosja.al

Gjatë fundjavës, Patrullat e Përgjithshme kanë evidentuar dhe ndëshkuar me masë administrative 3.000 lekë, 1778 shtetas që janë konstatuar pa maskat mbrojtëse.

Shërbimet e Policisë Rrugore kanë ndëshkuar me të njëjtën masë administrative, 235 shtetas që udhëtonin në mjete private me persona me të cilët nuk kishin lidhje familjare apo në mjetet e transportit publik, pa vendosur maskat mbrojtëse.

Gjatë kontrolleve në fundjavë, shërbimet e Policisë kanë konstatuar 5 subjekte të ndryshme që ushtronin aktivitetin në kundërshtim me protokollet e sigurisë. Për administratorin e secilit subjekt është vendosur masa administrative 1.000.000 lekë.

Gjithashtu, në të gjithë vendin janë ndëshkuar me masë administrative 10.000 lekë, 37 shtetas që janë konstatuar duke lëvizur në këmbë pas orës 20:00.

Në zbatim të masave anticovid, Policia e Shtetit apelon për të gjithë qytetarët dhe drejtuesit e mjeteve që të respektojnë orën policore, të vendosin maskën dhe të ruajnë distancimin social, ndërsa subjektet tregtare, lokalet dhe restorantet të respektojnë protokollet e sigurisë dhe orarin e mbylljes, me qëllim parandalimin e përhapjes së COVID-19.

(kle.mu./dosja.al)

Shto Koment