Politike

Nuk ndalen akuzat e PD-së për Xhaçkën, Vokshi: Një kryeministër normal duhet ta shkarkonte për shpërdorim të detyrës dhe abuzim me fondet

  • Ministria e Mbrojtjes iu përgjigjet akuzave të PD: S’ka shpërdorim fondesh, nuk janë 22 por 338 fluturime
  • Në një deklaratë për mediat, ish- deputetja e PD-së. Albana Vokshi është shprehur se kryeministri Rama duhet të shkarkonte ministren, e cila sipas demokratëve ka udhëruar 22 herë me helikopterin e ushtrisë për fushatë në Dibër.
    Featured image of article: Nuk ndalen akuzat e PD-së për Xhaçkën, Vokshi: Një kryeministër normal duhet ta shkarkonte për shpërdorim të detyrës dhe abuzim me fondet

    TIRANË- Partia Demokratike ka vijuar edhe ditën e sotme  me akuzat për Ministren e Mbrojtjes Olta Xhaçka, pasi sipas tyre ajo shpërdëron detyrën.

    Në një deklaratë për mediat, ish- deputetja e PD-së. Albana Vokshi është shprehur se kryeministri Rama duhet të shkarkonte ministren, e cila sipas demokratëve ka udhëruar 22 herë me helikopterin e ushtrisë për fushatë në Dibër. Po ashtu ajo se duhet të bëjë një sqarim për qytetarët pasi sipas Vokshit, ato po vuajnë pasojat e abuzimit që kushtojnë 100 milionë lekë.

    Deklarata e plotë:

    Për më shumë bëhu pjesë e grupit më viral në Facebook, Dosja.al

    Prej me shumë se një jave Partia Demokratike ka denoncuar abuzimin me postin të Ministres së Mbrojtjes Olta Xhaçka. Që kur është emëruar drejtuese politike e Edi Ramës në Dibër, ajo ka përdorur helikopterin ushtarak për fushatën e Partisë Socialiste në Dibër. Këtë e kemi denoncuar më fakte konkrete dhe prova filmike. Deri më sot, nuk ka asnjë sqarim nga Ministrja e Mbrojtjes për qytetarët shqiptarë. Pse Olta Xhaçka duhet të shkojë në mbledhje partie me helikopter dhe pse qytetarët duhet të vuajnë pasojat e këtij abuzimi që kushton mbi 100 milionë lekë. Vetëm në dy muajt e fundit, për të dërguar dhe për të marrë Olta Xhaçkën nga Dibra, helikopteri ushtarak ka udhëtuar 22 herë nga Farka në Peshkopi dhe anasjellas. Ka patur raste që zonja ministre ka përtuar të shkojë deri në Farkë dhe helikopteri e ka marrë apo e ka lënë poshtë zyrës së saj në Ministrinë e Mbrojtjes. Olta Xhaçka hesht, edhe pse është kapur në flagrancë në një shkelje, të përsëritur, të kryer në vijimësi, me vetëdije të plotë që i ka kushtuar buxhetit të shtetit mbi 100 milionë lekë.

    (a.k.dosja.al)

    Etiketa:

    Shto Koment