Sport

“Nuk mund t’i them se Diego ka vdekur, do të ishte fatale”- Ka vetëm një person në Argjentinë, që ende nuk e di për ndarjen nga jeta të Maradonës

Tashmë në moshën 82-vjeçare, Billardo vuan nga shumë probleme shëndetësore dhe familja e tij vazhdon të fshehë vdekjen e Diegos
Featured image of article: “Nuk mund t’i them se Diego ka vdekur, do të ishte fatale”- Ka vetëm një person në Argjentinë, që ende nuk e di për ndarjen nga jeta të Maradonës Maradona dhe Carlos Billardo
Përditësuar:

ARGJENTINË– Ditë zie për gjithë futbollin botëror! Diego Armando Maradona ka ndërruar jetë dhe nga nesër të gjithë do të zgjohen me mungesën e një legjende. Reagimi ka ardhur nga të gjitha personalitetet e njohura, por është një person që ende nuk e di që Maradona nuk jeton më. Ai është Carlos Billardo, ish-trajneri i Argjentinës, i cili ka fituar Kupën e Botës në vitin 1986 së bashku me Maradonën. Tashmë në moshën 82-vjeçare, Billardo vuan nga shumë probleme shëndetësore dhe familja e tij vazhdon të fshehë vdekjen e Diegos.

“Nuk mund t’i them se Diego ka vdekur. Si mund t’i them? Ata kishin një marrëdhënie babë e bir”, tha vëllai i tij Jorge Billardo.

“Infermierët që po e ndjekin vijueshmërinë e tij shëndetësore, ishin informuar tashmë, që nga dita kur Diego u shtrua në spital, se nëse do të ndodhte një gjë e tillë e keqe, televizioni do të duhej të fikej.

Për më shumë bëhu pjesë e grupit më viral në Facebook, Dosja.al

Ne i thamë se kishte një problem dhe ne vazhdojmë t’i tregojmë të njëjtën gjë. Unë nuk e di se çfarë do të ndodhë kur ai ta marrë vesh”, deklaroi Billardo.

Carlos Billardo udhëhoqi Argjentinën në tre Kupa Botërore, nga 1982 në 1990 dhe tha që Maradona ishte djali që nuk e kishte pasur kurrë.

E.Ç (Dosja.al)

Shto Koment