Politike

Nuk e kapërcyen dot zhgënjimin e 25 prillit! Si i ‘braktisën’ partitë e tyre direkt pas humbjes së thellë Jozefina Topalli dhe Nard Ndoka

Rezultatin e 25 prillit nuk e pritën fare mirë dy kryetarët e dy partive, PDK-ja dhe LN-ja. Të dy liderët, Jozefina Topalli dhe Nard Ndoka, dhanë dorëheqjen e tyre për shkak të rezultatit zhgënjyes, ku nuk arritën dot të futëshin në parlamen
Featured image of article: Nuk e kapërcyen dot zhgënjimin e 25 prillit! Si i ‘braktisën’ partitë e tyre direkt pas humbjes së thellë Jozefina Topalli dhe Nard Ndoka Nard Ndoka dhe Jozefina Topalli

TIRANË– ‘Historia’ e zgjedhjeve të 25 prillit tashmë është mbyllur me 74 mandate për PS, 59 për PD, 4 për LSI, si dhe surpriza me 3 mandate për PSD. Për shumë parti, rezultati ishte shumë herë më humbje e thellë sa ata pretendonin. I tillë ishte jo vetëm rasti i LSI-së, por edhe partive të vogla, të cilat pretendonin të paktën të fusnin kryetarët në parlamentin e ri.

Rezultatin e 25 prillit nuk e pritën fare mirë dy kryetarët e dy partive, PDK-ja dhe LN-ja. Të dy liderët, Jozefina Topalli dhe Nard Ndoka, dhanë dorëheqjen e tyre për shkak të rezultatit zhgënjyes, ku nuk arritën dot të futëshin në parlamen

Kryetari i PDK-së, Nard Ndoka nuk ka mundur të marrë asnjë mandat në Shkodër, madje dështoi edhe me votat e mbledhura, duke marr vetëm 228 vota në emrin e tij. Për dështimin e  tij por edhe të koalicionit PD-AN, Ndoka bën fajtor Lulzim Bashën, por edhe veten që i besoi atij verbërisht. Ndoka tha në Top Talk,  se koalicioni me Bashën ishte dështim pasi kryedemokrati nuk u fokusua tek aleatët e tij por te kompania që e këshillonte të cilin e nxirrte opozitën fituese me 78 mandatë. Pas dështimit, Ndoka tha se ai do të jap dorëheqjen nga kreu i PDK-së, duke e ‘braktisur’ partinë e tij,

Për më shumë bëhu pjesë e grupit më viral në Facebook, Dosja.al

Të njëjtën gjë bëri edhe Jozefina Topalli. Ish-deputetja, u largua nga drejtimi i partisë Lëvizja Për Ndryshim pasi nuk arriti që të fitonte asnjë manda. Përmes një postimi në rrjetet sociale Topalli njoftoi se Lëvizja për Ndryshim nuk ia doli të bëhej faktor në këto zgjedhje, prandaj vendosi të hiqte dorë. Partia Lëvizja për Ndryshim ka marrë 7049 vota në zgjedhje. Vetë Topalli kandidoi në 4 qarke, në Durrës, Lezhë, Shkodër dhe Tiranë. Në Durrës Topalli ka marrë 50 vota, në Lezhë 58 vota, në Shkodër 598 vota, në Tiranë 390 vota.

Liderët e tjerë të partive të reja, edhe pse me rezultate të dobta kanë vendosur sërish të mos heqin dorë nga posti i liderit, edhe pse në parlament nuk mundën ‘të shkelnin’ dot.

(kle.mu./Dosja.al)

Shto Koment