Aktualitet

Nuk kanë marrë detyrimet e prapambetura, naftëtarët e Ballshit protestë para Bashkisë, kërkojnë largimin e Ballukut

Naftëtarët e Ballshit janë ngritur në protestë para Bashkisë. Ata kërkojnë t'u jepen rrogat e prapambetura. Njëkohësisht ata kërkuan largimin e Ministres së Infrastrukturës dhe Energjisë, Belinda Balluku, e cila nuk u është përgjigjur thirrjes së tyre për takim.
Featured image of article: Nuk kanë marrë detyrimet e prapambetura, naftëtarët e Ballshit protestë para Bashkisë, kërkojnë largimin e Ballukut Naftëtarët e Ballshit gjatë një proteste

BALLSH– Naftëtarët e Ballshit janë ngritur sërish në protestë ditën e sotme para Bashkisë së Mallakastrës. Ata kërkojë rrogat e  prapambetura të cilat nuk i kanë marrë ende. Në mbështetje të tyre kanë ardhur edhe aktivistë nga shoqëria civile.

Një përfaqësues i naftëtarëve kërkoi nga kryeministri dhe Edi Rama, që të japin informacion, për kompaninë e rë, e cila do të fillojë punën në rafinerinë e Ballshit. Ata kërkojnë, që shteti të marrë përsipër detyrimet dhe të mos ia kalojë si përgjegjësi privatit.

Naftëtarët kërkojnë siguri për rrogat e tyre, të cilat u janë premtuar nga kryeministri dhe ministrja e Infrastrukturës. Njëkohësisht ata kanë kërkuar largimin e Ballukut, nëse nuk mbahet fjala për lëshimin e rrogave të prapambetura.

Për më shumë bëhu pjesë e grupit më viral në Facebook, Dosja.al

Unë i bëj thirrje jo vetëm të zgjedhurve vendor edhe kryeministrit  të vendit,  Ministres së Infrastrukturës dhe Energjisë, Belinda Balluku, pasi prej dy muajsh që nga data 22 maj, nuk kemi asnjë zhvillim, jemi në pritje, vetë ministrja nuk e ka marrë mundimin të ulet me naftëtarët. Këto ditë ka ardhur një kompani e huaj, por në dijeninë tonë, ata nuk marrin përsipër asnjë detyrim të prapambetur. I bëj thirrje ministres, duhet ta dimë se cila kompani po bie shteti këtu, cilado kompani duhet të marrë përsipër detyrimet, në rast  të kundërt detyrimet duhet të kalojnë tek pala shtet. Vet shteti siç ofron kompaninë duhet tu japi zgjidhje dhe naftëtarëve. Rama në 2017-ën erdhi dhe tha përball jush që do merni detyrimet. Jemi 3 vjet mbrapa dhe askush nuk na jep një përgjigje të saktë, flasim detyrimet e prpambetura, bukën e fëmijëve gjakun tonë. Po i drejtohen kryeministrit se nëse ministrja nuk mban përgjegjësi për fjalën tuaj, atëherë duhet të largohet nga ai pozicion që ka në rast se rafineria do të hyjë në punë, të hyjë me njerëzit e duhur dhe pas 6 muajsh të kemi të njëjtën lojë. Ashtu si ne me mundin tonë i japim kompanisë të ardhura dhe shteti që merr tatime taksat. Në ditën më të keqe tonët shteti nuk ndihet. Ia faturon një kompanie private. Do tu bëj thirrje të zgjedhurve vendorë le të zbresin edhe ata të na bashkohen sepse edhe bashkia merr një pjesë të detyrimeve nga rafineria“, u shpreh përfaqësuesi i naftëtarëve.

Naftëtarët ndërkohë kanë dy muaj që kërkojnë takim me ministren e Energjisë dhe Infrastrukturës, Belinda Balluku, por kjo e fundit nuk u është përgjigjur thirrjes së tyre. Rafineria e Ballshit është e mbyllur prej mujsh, duke lënë naftëtarët pa të ardhura. Këta të fundit ndërkohë, në muajin prill morën pagën e luftës prej 40 mijë lekësh, por për ta ishte e pamjaftueshme. Naftëtarët zhvilluan edhe disa protesta të tjera, duke kërkuar një pagë të dytë lufte.

(g.sh./dosja.al)

Shto Koment