Rajoni

“Nuk fjeta gjithë natën”/ Vuçiç rrëfen sikletet para takimit në Uashington: Mund të ulesha edhe në dysheme për…

Vuçiç rrëfen sikletet para takimit në Uashington. Ai ka treguar se gjithë natën nuk ka fjetur gjumë dhe se është përgatitur për çdo detaj për takimin në Shtëpinë e Bardhë.
Featured image of article: “Nuk fjeta gjithë natën”/ Vuçiç rrëfen sikletet para takimit në Uashington: Mund të ulesha edhe në dysheme për…

SERBI-Presidenti serb, Aleksandër Vuçiç ka treguar për herë të parë në një intervistë në televizionin publik RTS, ndjesitë dhe sikletet që përjetoi një natë para takimit në Uashington.

Ndër të tjera, ai tregoi se gjithë natën nuk ka fjetur gjumë dhe se është përgatitur për çdo detaj. “Në Uashington, mund të ulesha në dysheme, sepse e dija se për çfarë luftoja, për vendin tim. Ne nuk fjetëm natën, përgatitëm çdo detaj. Bëmë një punë të mirë për vendin. Ruajtëm dinjitetin e vendit dhe treguam se Serbia pas 30 vjetësh mund të respektohet në Amerikë.”

Vuciç u shpreh më tej se vendi që ai drejton nuk ka pasur përkrahje nga SHBA në 30 vitet e fundit, dhe se dyert e Shtëpisë së Bardhë kanë qenë të mbyllura për serbët deri në këtë moment.

Për më shumë bëhu pjesë e grupit më viral në Facebook, Dosja.al

“Amerikanët dhe gjermanët krijuan Kosovën, jo zviceranët, natyrisht. Unë e di se si duken bisedimet në Shtëpinë e Bardhë. E di se çfarë presioni kishte mbi ne dhe ata. Mjafton që ata të thonë, ne do të tërheqim forcat tona nga Kosova dhe ata (shqiptarët) do të bien dakord për gjithçka. Ne shkuam për një fitore të vogël, pasi ato arrihen në paqe”, u shpreh ai.

J.V/Dosja.al 

Shto Koment