Politike

COVID-19/ Meta ndryshe nga Basha: Duhet gjurmueshmëri, më vonë testimi, kështu do e izolojmë virusin

VIDEO
Presidenti deklaroi se vetëm me gjurmueshmëri të rasteve do të arrijmë të izolojmë shpërndarjen e COVID-19. Ndërsa, Basha i bën thirrje qeverisë që të kryen sa më shumë testime në popullatë.
Featured image of article: COVID-19/ Meta ndryshe nga Basha: Duhet gjurmueshmëri, më vonë testimi, kështu do e izolojmë virusin Lulzim Basha dhe Ilir Meta

Shkodër- Presidenti i vendit, Ilir Meta pas një takimi me kryetaren e Bashkisë së Shkodrës, Voltana Ademin, ka deklaruar se vetëm me gjurmueshmëri do të arrijmë të izolojmë shpërndarjen e COVID-19 dhe më pas duhet testimi i kontakteve të dyshuara.

“Përmes gjurmimit të të gjitha rasteve dhe testimeve të realizuara për shkak të gjurmueshmërisë të izolojmë të gjitha raset. Të kemi shërim të personave të prekur dhe vatrave. Besoj shumë në bashkëpunim. Sa më shumë bashkëpunim aq më shpejt do i kthehemi jetës normale.”, u shpreh Meta. 

Për më shumë bëhu pjesë e grupit më viral në Facebook, Dosja.al

Presidenti Meta mesa duket është kundër kërkesës së liderit opozitar, Lulzim Basha që kërkon kryerjen e testeve masive tek të gjithë qytetarët. Basha ka deklaruar se nëpërmjet testimeve masive mund të identifikohen të gjithë të infektuarit dhe të ndërpritet zhinxhiri i të prekurve.

Fjala e Metës:

U takova me Prefektin e qarkut Shkodër Çesk Millja, kryebashkiaken e Shkodrës znj. Voltana Ademi për tu njohur më nga afër me përballimin e pandemisë që ka prekur edhe Shkodrën si gjithë vendin tonë. Kam besim se përmes bashkëpunimit të shtabit të emergjencës nga Prefekti, stafit të Bashkisë dhe përfaqësuesve të tjerë shteti të veprojë dhe të japë mundësitë për të menaxhuar në mënyrën më të mirë këtë krizë dhe pandemi. Kjo është e rëndësishme që qytetarët të bashkëpunojnë, të ruajnë distancën sociale, këshillat e autorititetit të shëndetit publik që sa më shpejt të izolojmë të gjitha rastet dhe të ndihmojmë për të shëruar të prekurit nga COVID-19 por dhe të garantojmë normalitetin e jetës sonë. Por kjo duhet parë në efikasitet. Dua të falenderoj kryebashkiaken për përkushtimin dhe bashkëpunimin me Shtabin e Emergjencave. Jam i bindur se mes këtij bashkëpunimit do të arrijmë dhe në Bashkinë e Shkodrës që është e vështirë duke parë shtrirjen e saj. Por dhe në çdo cep të këtij qarku për të ndihmuar shëndetin e qytetarëve tanë. Qytetarët të jenë bashkëpunues. Mos ndihet fajtor dhe mos rrezikojë. Nuk është trup të kesh COVID-19, është turp të jesh i pakujdeshëm dhe të infektosh familjarët dhe miqtë. Jemi në rrugën e duhur, drejt përmirësimit të situatës. Duke filluar nga sot edhe në qarkun e Shkodrës që është mjaft i ekspozuar edhe për shkak të Pikave Kufitare. Shpresoj dhe besoj shumë tek qytetaria shkodrane, përgjegjshmëria dhe bashkëpunimi.  Në procesin e kufizimeve po e ndjekin të gjitha vendet papërjashtim. Madje ne jemi edhe fqinj i Italisë që kemi shkëmbimet më të mëdha kështu që në këtë drejtim duhet të jemi të duruar dhe të respektojmë kufizimet. Përmes gjurmimit të të gjitha rasteve dhe testimeve të realizuara për shkak të gjurmueshmërisë të izolojmë të gjitha raset. Të kemi shërim të personave të prekur dhe vatrave. Besoj shumë në bashkëpunim. Sa më shumë bashkëpunim aq më shpejt do i kthehemi jetës normale.

Kjo deklaratë e Metës vjen pasi Shkodra është një nga qarqet më të prekura me COVID-19. Ndërkohë, numri i të infektuarve me COVID-19 ka shkuar në 383. 22 persona kanë ndërruar jetë, ndërsa 131 të tjerë janë shëruar. Ministria e Shëndetësisë njoftoi sot se tek Infektivi asnjë pacient nuk është në intubacion, ndërsa tek “Shefqet Ndroqi” 3 janë në gjendje të rëndë. Sipas Ministrisë së Shëndetësisë, qytetarët duhet të kufizojnë takimet me njëri-tjetrin, pasi sipas rasteve të fundit virusi po përhapet brenda rrethit familjar.
J.V/Dosja.al

Shto Koment