Aktualitet

Nuk është minë me celular! Artan Hoxha zbulon si u shpërthye makina e Preng Gjinit: Një pajisje risi, funksionon deri në 100-150 metra

Hoxha tha se eksplozivi është vendosur po ditën që ka ndodhur atentati, madje shumë pak kohë para se të shpërthente dhe se komandohej nga një rreze prej 100-150 metrash distancë.
Featured image of article: Nuk është minë me celular! Artan Hoxha zbulon si u shpërthye makina e Preng Gjinit: Një pajisje risi, funksionon deri në 100-150 metra Preng Gjini dhe Artan Hoxha

TIRANË– Gazetari Artan Hoxha është shprehur se tritoli në makinën e Preng Gjinit, nuk është shpërthyer me celular, por se bëhet fjalë për një pajisje risi. I ftuar në studion e “AbcNews”, Hoxha tha se eksplozivi është vendosur po ditën që ka ndodhur atentati, madje shumë pak kohë para se të shpërthente dhe se komandohej nga një rreze prej 100-150 metrash distancë.

Ajo minë, është vendosur, atë ditë. Informacioni dhe mbikëqyrja ka qenë shumë e madhe. Krimi i organizuar është ky, e kanë ditur që lëviz me makinën e nipit kur vjen në Tiranë, rri në krahun e pasagjerit. Hetimet duken pozitive, kanë marrë një drejtim të duhur. Unë dyshoja që ishte minë me celular, por është një minë e aktivizuar me një pajisje tjetër. Që funksionon deri në 100-150 metra. Ai që ka aktivizuar minën ka qenë aty. Të jep mundësinë që e sheh lëvizjen dhe mban distancë që mos ta pësojë edhe vetë. Minë e përgatitur me një pajisje, të ngjashme me pultin e  makinave. Pra kemi një specialist të ri që ka dalë në qarkullim me këtë lloj aftësie. Nuk është kollaj të montosh minat. Kjo ka bërë që autorët të japin një të dhënë të re për hetimin. Personi ka qenë në perimetër të afërt. Monitoruesit duhet të jenë të kujdesshëm që të zbulojnë detajin mes turmës,”– tha Hoxha.

Për më shumë bëhu pjesë e grupit më viral në Facebook, Dosja.al

Tashmë, atentati ndaj Preng Gjinit po shkon drejt zbardhjes. Kamerat në zonë kanë fokusuar nipin e Kastriot Reçit, i cili në momentin e shpërthimit të mjetit ka qenë shumë pranë mjetit. Pritet që të procedohet me arrestimin e tij.

(f.m/dosja.al)

Shto Koment