Politike

“Nuk bëj shaka”/ Meta paralajmëron kreun e KED-së: Dvorani do të bëhet shembull, s’ka tallje me Reformën

Ndër të tjera, kreu i shtetit hodhi akuza të forta ndaj kreut të KED-së, Ardian Dvorani, për të cilin tha se do të bëhet shembull.
Featured image of article: “Nuk bëj shaka”/ Meta paralajmëron kreun e KED-së: Dvorani do të bëhet shembull, s’ka tallje me Reformën Ilir Meta

TIRANË–Presidenti Meta nuk i ka kursyer akuzat e ndaj kreut të KED-së Ardian Dvoranit. “Unë do kërkoj hetim ndërkombëtar për ta ata që mbrojnë Dvoranin. Ata që e mbrojnë janë të korruptuar”, tha Meta.

Kreu i shtetit u shpreh se do t’i mbledhë të gjithë ambasadorët “dhe do ua bëjmë si fëmijëve në klasë të parë që vjedhja është e madhe dhe nuk mbulohet. Duan ata të fitojnë fytyrën e tyre, kjo është e papranueshme”.

Meta tha se nuk ka hequr dorë nga kallëzimi për Dvoranin.

Do bëhet shembull për të rikthyer besimin tek reforma në drejtësi, që askush të mos tallet me reformën si në këto dy vitet. Faktet janë flagrante, dëmi është i madh, nuk bëj shaka për Kushtetuesen”, tha presidenti Meta në “Open”.

Për situatën e krijuar, 3 ditë më parë, Meta deklaroi në një konferencë për mediat se do të kallëzojë penalisht të hënën në prokurori, Dvoranin për dy akuza, shpërdorim detyre dhe përvetësim të titullit apo detyrës. Meta tha se KED ka vetëm rol procedurial për t’u marrë me dokumentacionet e Parlamentit, Gjykatës dhe Presidentit, dhe se vendimet e marra nga Dvoranin nuk janë kryer në mënyrë kolegjiale por individuale. Kreu i shtetit, e akuzoi Dvoranin se ka dërguar listat e vakancave përnjëherazi, qëllimisht, dhe se ka shpërdoruar detyrën me botimin në Fletoren zyrtare të kandidatëve.

(a.m.dosja.al)

Shto Koment