Aktualitet

Një kat i shtëpisë u zhyt nën tokë, rrëfehet familja me 15 anëtarë që shpëtuan mrekullisht nga tërmeti: Fëmijët bërtisnin

Në një prononcim për Anila Hoxhën, gazetarën e “Top Channel", anëtarët e kësaj familjeje shprehen se si kanë mundur të nxjerrin fëmijët nga banesa.
Përditësuar:

TIRANË– Familja prej 15 anëtarësh kanë rrëfyer tmerrin që ndjenë natën e 26 nëntorit. Ata shpëtuan mrekullisht të gjithë edhe pse kati i parë i shtëpisë është zhytur krejtësisht në tokë pas tronditjeve të tëmretit.

Në një prononcim për Anila Hoxhën, gazetarën e “Top Channel”, anëtarët e kësaj familjeje shprehen se si kanë mundur të nxjerrin fëmijët nga banesa.

Pjesë nga biseda

Anila Hoxha: Gjendem nën rrënojat e shtëpisë së Hysni Sulës. kati i parë i shtëpisë është shembur i gjithi, të 15-të anëtarët e familjes së Hysni Sulës kanë shpëtuar falë një mrekullie dhe jo vetëm. Edhe për shkak se në këtë shtëpi menjëherë pas tërmetit ka ndërhyrë kushëriri i tyre i cili ka shpëtuar disa nga fëmijët.

Zeqir Sula: Pash që ra shtëpia, ishte tym i madh. Pash fëmijët e vegjël duke bërtit, kapa dy të parët, pastaj dy të dytët, ngrita betonin, pastaj kam marrë gratë.

Për më shumë bëhu pjesë e grupit më viral në Facebook, Dosja.al

Njerëzit më thirrnin hajde këtu, i nxorra të gjithë.

Hysni Sula: Gjithë shtëpia ka rënë poshtë, është bërë katër metra distancë. Më rujti zoti, po prisja momentin kurë do vdes, kur të më bjerë blloku dhe të mbyll sytë. Zoti më dha forcë gruaja ishte tek dera, dola nga shkallët ishin shembur bërtita a keni dalë të gjithë? Po më thanë kemi dalë. Mora gruan avash avash dhe kemi zbrit poshtë.

Teksa zonja e shtëpisë, Dija, thotë që 30 vite mund ikën në 30 sekonda, Hysniu i thotë që duhet të forcohet dhe të jenë të kënaqur që na kanë shpëtuar të gjithë.

(F.M/DOSJA.AL)

Shto Koment