Aktualitet

Ngritja e SPAK/ KLP interviston 5 kandidatë, Dibra mungon, Hajdarmataj në fokus të ndërkombëtarëve

  • Prokurori i dosjeve të ‘nxehta’ Besim Hajdarmataj flet për përgjimet e BILD
  • U intervistua nga KLP, Donika Prela ‘shokon’ me rrëfimin: Kam patur presione
  • Këshilli i Lartë i Prokurorisë ka zhvilluar sot 5 intervistat e radhës me kandidatët garuesë për SPAK. Dështon intervista me prokurorin Behar Dibra. Vëmendja e ndërkombëtarëve dhe mediave, tek prokurori i '339', Besim Hajdarmataj.
    Featured image of article: Ngritja e SPAK/ KLP interviston 5 kandidatë, Dibra mungon, Hajdarmataj në fokus të ndërkombëtarëve Këshilli i Lartë i Prokurorisë, Besim Hajdarmataj dhe Behar Dibra.

    TIRANË- Këshilli i Lartë i Prokurorisë nis intervistat për kandidatët garuesë për t’u bërë pjesë e prokurorisë së Posaçme, (SPAK). 5 kandidatë ishin parashikuar që të dilnin sot para trupës me 11 anëtarë të KLP, por prokurori i Krimeve të Rënda, Behar Dibra, ka refuzuar të marrë pjesë.

    Në mungesë, i ka dërguar një letër KLP-së, ku e vinte në dijeni se kishte një seancë gjyqësore dhe kërkon një datë tjetër për zhvillimin e intervistës. “Kam seancë gjyqësore, nuk paraqitem dot në orën 09:00”, thuhej në letrën që prokurori Dibra i dërgoi KLP.

    E pas tij, në orën 10:00, prokurori i dosjeve të bujshme si “339”, “Shullazi”, e “Tahiri”, Besim Hajdarmataj mbërriti në ambientet e KLP. Në intervistën e tij, Euralius dhe OPDATE, nuk ngurruan ta pyesnin Hajdarmatajn edhe për rrjedhjen e informacioneve të dosjes 339, që u publikuan nga gjermania BILD.

    Ai u përgjigj për herë të parë për këtë çështje, dhe tha se nuk ka një njësi të ndarë në këtë prokurori për përgjimet.

    Dje KLP zhvilloi katër intervistat me kandidatët e parë në garë për SPAK, me dyer të mbyllura.

    Për më shumë bëhu pjesë e grupit më viral në Facebook, Dosja.al

    Çfarë është SPAK ose siç njihet ndryshe Prokuroria e Posaçme?

    SPAK është njësia që do të ndjekë çështjet penale në emër të shtetit shqiptar kundër korrupsionit të niveleve të larta drejtuese dhe krimit të organizuar. SPAK ka të drejtë të përfaqësojë shtetin në të tre shkallët e gjyqësorit siç janë Gjykata e Shkallës së Parë, Gjykata e Apelit dhe ajo e Lartë.

    SPAK është e pavarur në funksionim dhe ushtron detyrën përmes prokurorëve të Posaçëm që do të emërohen nga Këshilli i Lartë i Prokurorisë. Prokurorët e SPAK do të kenë një mandat 9-vjeçar dhe ky mandat mund të ndërpritet vetëm nga Inspektoriati i Lartë i Drejtësisë.

    (A.m.f.g/dosja.al)

    • 17:14

      Mungoi në seancën e sotme, KLP shpjegon arsyet: Behar Dibra do intervistohet të premten

      Prokurori Behar Dibra mungoi në seancën e sotme ku do të intervistohej nga Këshilli i Lartë i Prokurorisë. 

      Në një reagim për mediat, KLP ka bërë me dije se është njohur me arsyet e mungesës së Dibrës në seancën e sotme dhe e ka zhvendosur intervisitimin për ditën e premte në orën 12:00.

    • 16:25

      U intervistua nga KLP, Donika Prela 'shokon' me rrëfimin: Kam patur presione

      Donika Prela

      Drejtuesja e Prokurorisë së Krimeve të Rënda, Donika Prela është intervistuar në Këshillin Lartë të Prokurorisë pasi konkurron për Strukturën e Posaçme Antikorrupsion.

      Gjatë intervistës, Prela tha se kishte 18 vite karrierë, vite pune të cilat e kishin shtyrë të kandidonte për SPAK.

      Kam 18 vite karrierë dhe prandaj kam kandiduar për SPAK. Kam patur presione gjatë karrierës sime”, është shprehur më tej Prela.

      Mësohet se Prela është pyetur dhe për shortin e dosjes “Shullazi”, për të cilën tha kishte bërë lëvizjet e duhura. Ndërsa lidhur me përgjimet e dosjeve 339 dhe 184 të publikuara nga BILD, Prela tha se ishin çështje nën hetim. 

      Prela nuk ka shpëtuar pa u pyetur edhe për pocesin e Vettingun, më konkretiksht me problemet e ngritura nga Operacioni Ndërkombëtar i Monitorimit. Në përgjigjet e saj, Prela i është përmbajtur atyre të dhëna në seancën dëgjimore të KPK-së.

    • 11:29

      ‘Shërbëtori famëkeq i Saliut’, prokurori i dosjeve të nxehta Besim Hajdarmataj pyetet për SPAK, çfarë tha për përgjimet e BILD

      Prokurori i Krimeve të Rënda, Besim Hajdarmataj ka përfunduar intervistimin me gojë përballë Këshillit të Lartë të Prokurorisë lidhur me kalimin e tij si pjesë e trupës së SPAK, (Prokuroria e Posaçme).

      Besim Hajdarmataj, prokuror

      Hajdarmataj, i akuzuari kryesor nga kryeministri Edi Rama si personi që i dha Partisë Demokratike përgjimet e BILD, mësohet se është pyetur nga OPDATE dhe Euralius edhe për këto materiale që u botuan nga Peter Tiede në BILD.

      Burime i thanë Dosja.al, se ndërkombëtarët ishin të interesuar nëse ka patur dijeni Hajdarmataj për rrjedhjen e informacionit në media.

      Po të njëjtat burime, bënë me dije se Hajdarmataj është shprehur se:

      Prokuroria e Krimeve të Rënda, në kohën që unë e drejtoja nuk ka patur një sektor të ndarë për përgjimet. Nuk kam informacion, është tejet e vështirë të përcaktohet se kush i ka nxjerrë ato.

      Besim Hajdarmataj, është gjithashtu njëri nga prokurorët e dosjeve më të bujshme të politikës shqiptare, siç është dosja “Tahiri” dhe ajo “Shullazi”. Kjo ka shtyrë KLP që të skanojë Hajdarmatajn e për t’a pyetur edhe për këto çështje.

    Shto Koment