Aktualitet

Ngritja e SPAK/ Ibrahimi: Mes prokurorëve, 2 mund të jenë të komanduar, jemi në hapat e fundit

Ibrahimi është shprehur se SPAK mund të ngrihet me 10 prokurorë, 2 prej tyre të jenë të komanduar.
Featured image of article: Ngritja e SPAK/ Ibrahimi: Mes prokurorëve, 2 mund të jenë të komanduar, jemi në hapat e fundit Gent Ibrahimi dhe Zëvendës Ndihmës Sekretar i Shtetit të SHBA, Jorgan K. Andrews

TIRANË- Kreu i KLP-së Gent Ibrahimi në takimin  e sotëm që ka zhvilluar me Jorgan K. Andrews, i cili është Zëvendës Ndihmës Sekretar i Shtetit të SHBA, ka deklaruar se tashmë janë hapat e fundit për ngritjen e SPAK dhe zgjedhjen e Prokurorit të Përgjithshëm

Në 10 muaj KLP ka ngritur infrastukturën ligjore solide për ngritjen e SPAK.  Këshilli është në hapat e fundit për dy procese të rëndësishme: Zgjedhja e Prokurorit të Përgjithshëm dhe ngritja e SPAK. Këshilli shikon hapësirat ligjore për ngritjen e SPAK me 8 prokurorë tashme të vetuar dhe 2 prokurore të komanduar nga lista e kandidateve të kualifikuar për SPAK të cilët kanë kaluar vetingun me vendim të formës së prerë. Mbështetja e ambasadës amerikane dhe misionit të asistencës OPDAT gjatë këtyre proceseve, garant për profesionalizmin dhe integritetin e tyre“, është shprehur ai.

Zyrtari i Lartë i SHBA, Jorgan K. Andrews, i cili është Zëvendës Ndihmës Sekretar i Shtetit të SHBA ka zvilluar sot një takim me kreun e KLP, Gent Ibrahimi. Andrews ka thënë se Prokurorët e SPAK janë nën presion, por SHBA do mbështes vijim e Reformës në Drejtësi. Ibrahimi ka treguar se SPAK është gati dhe po ashtu po vijohet me zgjedhjet e Prokurorit të Përgjithshëm.

(J.V. Dosja.al)

Shto Koment