Aktualitet

Ngjarja në rrugën e Kavajës, gjykata jep masën arrest me burg për njërin nga autorët

Atij i janë gjetur edhe sende të tjera të përdorura për grabitjen që janë përdorur nga organi i akuzës si provë materiale. Në seancën e kësaj të shtune Prokurori ka paraqitur si provë për planin e grabitjes edhe disa mesazhesh të të pandehurit Spaho me personat e shpallur në kërkim për të cilët vijon puna për kapjen e tyre.
Featured image of article: Ngjarja në rrugën e Kavajës, gjykata jep masën arrest me burg për njërin nga autorët Foto Ilustruese

TIRANË–Gjykata e Tiranës ka dhënë masën e sigurisë “arrest me burg” për Roni Spaho, i arrestuar për grabitjen me dhunë në bashkëpunim në rrugën e Kavajës pak ditë më parë. Spaho është kapur me vlerat monetare (rreth 3 milion lekë të reja), teksa po shkonte t’i merrte ato në vendin ku ishin lënë ditën e grabitjes.

Atij i janë gjetur edhe sende të tjera të përdorura për grabitjen që janë përdorur nga organi i akuzës si provë materiale. Në seancën e kësaj të shtune Prokurori ka paraqitur si provë për planin e grabitjes edhe disa mesazhesh të të pandehurit Spaho me personat e shpallur në kërkim për të cilët vijon puna për kapjen e tyre.

Roni Spaho njëri nga autorët e dyshuar të grabitjes u arrestua gjatë operacionit ‘Valuta’, ndërkohë që në kërkim janë shpallur shtetasit M. Gj., 26 vjeç, i dënuar më parë për vjedhje dhe  M. B.(B)., 26 vjeç, i dënuar më parë për plagosje të rëndë.

Për më shumë bëhu pjesë e grupit më viral në Facebook, Dosja.al

Grabitja ka ndodhur më 4 Maj ku dy të rinjtë i dolën përpara personit i cili po transportonte një sasi të konsiderueshme parash në drejtim të një pike këmbimi valutor. Ngjarja ka ndodhur vetëm pak metra larg Bankës së Shqipërisë, në rrugën e Kavajës.

(d.a/dosja.al)

Shto Koment