Politike

Ngërçi në Kushtetuese/ Ambasadori italian, Cutillo: T’i kërkohet mendimi ‘Venecias’, duhet bashkëpunim (VD)

Ambasadori italian në Shqipëri, Alberto Cutillo ka deklaruar se Kuvendi dhe Presidenca duhet të bashkëpunojë për këtë çështje me shumë rëndësi.
Përditësuar:

Tiranë-Për ngërçin në Gjykatën Kushtetuese ambasadori italian në Shqipëri, Alberto Cutillo për mediet është shprehur se Kuvendi dhe Presidenca duhet të bashkëpunojë për këtë çështje me shumë rëndësi. Ambasadori italian thekson se për këtë çështje duhet t’i kërkohet mendim edhe Komisionit të Venecias.

“Sekuestrimet e pasurive te krimit janë efikase dhe shpresoj të bëhen edhe në Shqipëri. Është shumë e rëndësishme që Shqipëria dhe Italia të bashkëpunojnë së bashku në lidhje me këtë. Nuk i njoh zhvillimet e fundit për Kushtetuesen Por u në them se është thelbësore për shumë vende edhe në Shqipëri. Duhet të jetë në funksion sa më të shpejtë, dhe në baze të ligjit dhe procedurave.Kuvendi dhe Presidenca duhet të bashkëpunojë për gjykatën e Kushtetuese.  Gjykata Kushtetuese është organ thelbësor pë vendin. Ti kërkohet mendim Komisionit të Venecias. E rëndësishme është që të bjerë poshtë çdo dyshim për Kushtetuesen. ”, është shprehur Cutillo. 

Presidenti Meta futi dje në ngërç ngritjen e Gjykatës Kushtetuese,duke dekretuar Marsida Xhaferllarin si anëtare e Gjykatës Kushtetuese në vendin që ishte zënë nga Arta Vorpsi para përfundimit të afatit 30 ditor të presidentit për t’u shprehur mbi listën e propozuar nga KED. Nga ana tjetër anëtarja e Gjykatës Kushtetuese, Arta Vorpsi ka injoruar autoritetin e presidentit Ilir Meta, duke shmangur ceremoninë e betimit tek ai dhe duke u betuar tek një notere private. Kopjen e betimit, Vorpsi ia ka dërguar Metës, KED dhe Gjykatës Kushtetuese me Postë, ndërkohë që akti bie ndesh me nenin 8 të Kushtetutës ku parashtrohet qartë se anëtari i Gjykatës fillon detyrën pasi betohet tek presidenti.

J.V/Dosja.al

Shto Koment