Rajoni

Ngacmoi seksualisht 30 vjeçaren në autobus, dënohet me tre muaj burg shqiptari në Greqi, gjykata i vë kusht që …

Mediat e huaja kanë raportuar se ngjarja ka ndodhur më 23 korrik, sakaq dënimi për 67 vjeçarin shqiptar është dhënë ditën e djeshme.
Featured image of article: Ngacmoi seksualisht 30 vjeçaren në autobus, dënohet me tre muaj burg shqiptari në Greqi, gjykata i vë kusht që … Foto Ilustruese

GREQI- Gjykata në Selanik  ditën e djeshme ka dënuar me 3 muaj burg një burrë me origjinë shqiptar i cili  akuzohet se ka ngacmuar seksualisht një 30 vjeçare greke me profesion avokate

Mediat e huaja kanë raportuar se ngjarja ka ndodhur më 23 korrik, sakaq dënimi për 67 vjeçarin shqiptar është dhënë ditën e djeshme.

30 vjeçarja greke  ka dëshmuar se ngjarja ka ndodhur teksa  ndodhej në autobusin e linjës 19 të Selanikut ku pranë saj është ulur 67 vjeçari shqiptar, me profesion mësues ku më pas ka nisur ta ngacmojë.

Qëndronte pranë meje dhe kishte një çantë mbi këmbët e tij. Ngadalë nisi të lëvizë dorën afër meje. Fillimisht po e shihja dhe me vete po thoja se nuk mund të ndodhë kjo. Dy a tri herë e shtyva me bërryl. Herën e katërt, vuri dorën mbi kofshën time të djathtë. Nisa të bërtas dhe i thashë shoferit të bllokojë dyert e autobusit”,-tha ajo.

Shqiptari e ka moshuar akuzën duke thënë  se ditët e fundit kishte kryer një ndërhyrje në kataraktin e syrit dhe po dërgonte dokumentet shëndetësore në fabrikën ku punonte.

Për më shumë bëhu pjesë e grupit më viral në Facebook, Dosja.al

“Po përpiqesha të merrja ilaçin për ta hedhur në sy. Mundet që gabimisht të kem vënë dorën në këmbën e saj. Është vajzë e re dhe është turp për mua të ndodhë një gjë e tillë. Jam burrë i martuar, nuk bëj gjëra të tilla. Ndjesë”, u shpreh ai në sallën e gjyqit.

Në përfundim, gjykata vendosi ta konsiderojë fajtor 67 vjeçarin duke e dënuar me tre muaj heqje lirie me kusht që gjatë tri viteve të ardhshme të mos bëjë asnjë vepër penale.

Burimi:.iefimerida.gr

(A.K.dosja.al)

Shto Koment