Aktualitet

Atentati ndaj Bejtjas/ Arrestohet Valter Bami, Policia: Në dorën e majtë kishte gjurmë të qitjes me armë zjarri

Bashkë me Valter Bamin, janë shoqëruar mbrëmjen e sotme edhe dy miq të tij si persona që mund të kenë dijeni për ngjarjen.

6 Korrik 2023, 21:59 Nga A.B
Atentati ndaj Bejtjas/ Arrestohet Valter Bami, Policia: Në dorën e
Gentjan Bejtja

TIRANË- Arrestohet për armëmbajtje pa leje Valter Bami në lidhje me atentatin në Larushk të Krujës ku u vra Ramazan Dino dhe u plagosën dy fëmijët e objektivit, Gentjan Bajtja. Bashkë me të, janë shoqëruar mbrëmjen e sotme edhe dy miq të Valter Bamit si persona që mund të kenë dijeni për ngjarjen.

Policia bën të ditur se në përgjigjen e aktit të ekspertimit kimik, ka rezultuar se në dorën e majtë të Bamit, janë konstatuar faktorë plotësues të qitjes me armë zjarri.


NJOFTIMI I POLICISË:

Në vijim të veprimeve hetimore në lidhje me ngjarjen e datës 03.07.2023, ku në fshatin Larushkë, Krujë, në oborrin e banesës së shtetasit G. B., është qëlluar me armë zjarri e si pasojë ka humbur jetën shtetasi R. S. Rreth orës 04:00 të po kësaj date, është shoqëruar shtetasi V. B., 37 vjeç, të cilit i janë marrë faktorët plotësues dhe deklarim në lidhje me ngjarjen e mësipërme e më pas është lënë i lirë, ju informojmë se:

Sot me datë 06.07.2023, bazuar në përgjigjen e aktit të ekspertimit kimik, ka rezultuar se në dorën e majtë të shtetasit V. B., janë konstatuar faktorë plotësues të qitjes me armë zjarri.

Mbi bazën e këtij akti ekspertimi, Prokuroria pranë Gjykatës së Shkallës së Parë të Juridiksionit të Përgjithshëm Tiranë ka lëshuar sot më datë 06.07.2023, urdhrin e ndalimit për këtë shtetas për veprën penale "Mbajtja pa leje dhe prodhimi i armëve, armëve shpërthyese dhe i municionit", parashikuar nga neni 278 i Kodit Penal.

Po sot, rreth orës 20:30, në fshatin Greps, Nikël, është lokalizuar, kapur dhe shoqëruar në ambientet e DVP Tiranë shtetasi V. B., 37 vjeç, banues në Nikël, Fushë Krujë.

Ndërkohë vazhdojnë intensivisht hetimet për dokumentimin e plotë ligjor të ngjarjes së mësipërme.

 

 

gentjan bejtja valter bami

Sondazh

Poll

MË SHUMË