Politike

Rama i kërkoi leje për të mbjellë pemë në Shkodër! Spahia tregon se çfarë përgjigje i dha: Nuk provokohem kollaj

Spahia deklaroi se Shkodra ka probleme të tjera më të rëndësishme se mbjellja e pemëve.

13 Prill 2023, 20:57 Nga A.B
Rama i kërkoi leje për të mbjellë pemë në
Bardh Spahia

TIRANË- Kryebashkiaku i Shkodrës, Bardh Spahia komentoi ditën e sotme veprimin e kryeministrit Edi Rama ndaj tij, ku i kërkoi leje për të mbjellë pemë. Teksa ishte i ftuar në emisionin 'Të paekspozuarit', Spahia tha se nuk e mori si provokim por si tallje mirëpo shtoi se Shkodra ka probleme të tjera më të rëndësishme se mbjellja e pemëve.

Mirëpo, ai tregoi se i ka kthyer një përgjigje pozitive, duke i caktuar edhe vendin ku do të vendosen pemët.

"Unë e kam përcjellë dhe zyrtarisht sot, Ramës, një përgjigje. I dhashë atë që kërkon, vendin ku do të vendosen pemët. Numri i pemëve nuk thuhet. 

Ndoshta është një strategji e një fushate elektorale që do të startojë me pemë. Është e çuditshme por është pjesë e një fushate. Do doja që shumë çështje të rëndësishme të kishin vëmendjen e tij, për fat të keq nuk ka ndodhur. Janë mbi 50 projekte që nuk kanë marrë vëmendje.

Nuk e mora si provokim, nuk provokohem kollaj. E mora më tepër si tallje, me të gjithë Bashkitë, nuk mendoj se është problematike mbjellja e pemëve. Shkodra ka aspekte ku do duhej ndërhyrja e kryeministrit dhe seriozisht, mendoj se do duhej të ishte një varg i gjatë komunikimesh mes një bashkie të rëndësishme dhe qeverisjes vendore.

Unë zgjodha që të isha zyrtar me përgjigje. "

Kryeministri Edi Rama i dërgoi letër kryetarit të Bashkisë së Shkodrës, Bardh Spahia, ku i kërkohet bashkëpunim në përcaktimin e territorit se ku do të mbillen këto pemë./Dosja.al

bardh spahia

Sondazh

Poll

MË SHUMË