Politike

"Eja provoje njëherë, je akuzuar për vrasje!", Berisha akuzon Ballën: Nuk e lan dot porosinë për ekzekutimin e Ravik Gurrës (DEBATI ME VIDEO)

Berisha e quajti edhe Pandeli Majkon 'kone' që i doli në mbrojtje Ballës duke folur nga vendi pa mikrofon.

24 Nëntor 2022, 10:32 Nga f.g
"Eja provoje njëherë, je akuzuar për vrasje!", Berisha
Sali Berisha

TIRANE- Kryedemokrati Sali Berisha akuzoi kryetarin e grupit parlamentar të Partisë Socialiste, Taulant Balla se është i përfshirë në një çështje shumë të rëndë, pas akuzave të Ardian çapjas se ka qenë një politikan "Taulant" në dosjet e avokatit Ravik Gurra, përpara se të vritej.

Në seancën e sotme, Berisha tha se Balla duhet të lëshojë imunitetin dhe të përballet në prokurori me akuzat. Në përgjigje, deputeti socialist kërkoi që Kuvendi të marrë masë për Berishën dhe kryeparlamentarja Lindita Nikolla i përcaktoi vërejtje. Berisha e quajti edhe Pandeli Majkon 'kone' që i doli në mbrojtje Ballës duke folur nga vendi pa mikrofon.

Debatet në Kuvend: 



Sali Berisha: Edhe njëherë, osetë drejtat e opozitës do të respektohen ose ne...

Taulant Balla: Neni 2, pika 3 parashikon...

Sali Berisha: Mbylle gojën, shko në prokurori. Je akuzuar për vrasje, ke porositur vrasjen e Ravik Gurrës. shko përballu me akuzat, je i akuzuar për vrasje, është hera e dytë që  akuzohesh për porosi vrasjesh. Mos përdor imunitetin, shko dhe jep llogari. Nuk e lan dot me asgjë porosinë për vrasjen e Ravik Gurrës.

Taulant Balla: Kërkoj masë përjashtimi, kërkoj masë. Duhet masë disiplinore. Aplikoni masë

Sali Berisha: Shko në Prokurori, je i akuzuar për vrasje. është hera e dytë. Në vrasje je implikuar ti, posi posi, eja provoje njëherë...

Albana Vokshi: Jepi fjalën, ose nuk ikim.

Edmond Spaho: Ose jepi fjalën ose na përjashtona të gjithëve,. parlament pa opozitë nuk ka. 

Sali Berisha: Unë përfaqësoj këtu shqiptarët, nëse ju nuk respektoni të drejtat tona, ne do të fitojmë betejën tonë. Mos ikni nga salla, këta kërkojnë të vënë censurën, ky është akt vjedhjeje. Nuk dua ti jap përgjigje atij që është i akuzuar për vrasje. ça thotë ai mo ça thotë, avokati i Taulantit, o kone. /Dosja.al

sali berisha taulant balla seance plenare 24 nentor 2022

Sondazh

Poll