Aktualitet

Bardh Spahia: Të shpallet gjendja e jashtëzakonshme në Shkodër

Po ashtu Spahia ka kërkuar më shumë mjetë të ushtrisë dhe të Emergjencave Civile për shkak të gjendjes që është krijuar në Shkodër.

21 Nëntor 2022, 11:37 Nga I.A
Bardh Spahia: Të shpallet gjendja e jashtëzakonshme në
Bardh Spahia

SHKODËR- I pari i Shkodrës Bardh Spahia ka kërkuar që qeveria të shpallë gjendjen e jashtëzakonshme në Shkodër për shkak të përmbytjes. Në një deklaratë për mediat, Spahia u shpreh se Shkodra është komplet e izoluar. Po ashtu Spahia ka kërkuar më shumë mjete të ushtrisë dhe të Emergjencave Civile për shkak të gjendjes që është krijuar në Shkodër.

"Siç e shikoni dhe vetë ka pasur dhe rritje të nivelit të ujit dhe ka sjellë probleme për zonën e Obotit dhe Muriqanit. Banorët janë izoluar dhe po tentohet t’u krijohet akses për shërbime të domosdoshme. Kemi marrë masat e duhura. Është situatë e vështirë. Shkodra është praktikisht e izoluar për shkak të mbyllës së Urës së Bahçallëkut, e cila paraqet rrezikshmëri të lartë. Aksesi bëhet vetëm përmes rrugës alternative, nga Guri i Zi. Është një situatë që kërkon vëmendjen e gjithë institucioneve të shtetit. Hapja e hidrocentrale në mënyrë të papritur, autoritetet që menaxhojnë kaskandën e Drinit duhet të na kishin lajmëruar që të merrnim masa. U gjendëm në një situatë të papritur. Mënyra më e mirë për përballimin e situatave të tilla duhet të ishte shpallja e emergjencës,” tha Spahia.

 

shqiperia permbytet 2022 bardh spahia

Sondazh

Poll

MË SHUMË