PEQIN– Ritvan Zykaj, i njohur ndryshe me pseudonimin “mostra e Selenicës”, të cilin e “fitoi” kur vrau me breshëri kallashnikovi 8 të afërmit e tij por vuan dënimin në burg. Ndryshe nga të dënuarit e tjerë, Zykaj është harruar nga familja e tij, e cila nuk ka shkuar kurrë për ta takuar në ambientin e vuajtjes së dënimit. I vetmi që e ka takuar një herë të vetme, ka qënë i vëllai.
Në ditët e para të burgosjes së tij, gardianët e burgut flisnin për sjelle të çuditshme të të riut, i cili kishte nisur të lexonte dhe libra…por mbrapsht. Pas një interesimi, burime për Gazeta Shqip bëjnë me dije se gjendja e tij nuk ka ndryshuar.
Gardianët thonë se 26-vjeçari nuk ka asnjë ndryshim. Por tani nuk e refuzon më ushqimin, dhe nuk del rregullisht në ajrim. Tanimë ata dëshmojnë se i riu lexon libra fetarë. Por ka pasur edhe raste që zgjohet gjatë natës dhe flet me vete.
“Ka raste, kur gjatë natës ngrihet dhe flet me vete. Sjellja e Ritvanit nuk është shumë e çuditshme, edhe pse e kemi më shumë në vëmendje për shkak të llojit të krimit të kryer. Na ndodh shpesh që t’i blejmë ndonjë paketë cigare, sepse është i vetmi i burgosur që nuk ka asnjë vizitor, ose i japim ndonjë rrobë nga ato që në shtëpitë tona nuk i përdorim” – tregon gardiani.
Si ndodhi masakra në Selenicë?
Pas një dreke me famlijen e tij, ku edhe kishte pirë një gotë birrë, Ritvan Zykaj u çua para të tjerëve për të kullotur gjethët. Mirëpo në oborr ndeshet me nusen e vëllait të gjyshit të tij, e cila e akuzon se i kishte vjedhur pulat. I prekur në sedër nga akuza e të afërmes së tij, Ritvani kthehet në shtëpi për të marrë armën dhe vret me breshëri kallashnikovi 8 persona.
I pari që u vra nga 24-vjeçari ishte kryefamiljari Demir Zykaj. Pasi vrau 75 vjeçarin dhe Perie Zykajn 72 vjeç shkoi në banesën e Besimit, djalit të Demirit duke vrarë atë, Besimin 43 vjeç, të shoqen, Vasilikën 42 vjeç. Tyta e armës së tij nuk kurseu as dy fëmijët e çiftit, Sarën 16 vjeçe dhe djalin e vogël Ledion 8 vjeç. Ky i fundit u vra me bukë në dorë pasi në ato momente ishte duke konsumuar vaktin e drekës.
Nga kjo ngjarje tronditëse arritën të shpëtojnë vetëm tre djem, Arieli, Falkao dhe Albi Zykaj, të cilët nuk ndodheshin në shtëpi në momentin kur Ritvan Zykaj zbrazi breshërinë e kallashnikovit.
I pandikuar nga akti monstruoz që kishte kryer, Ritvani gjeti kohën që të filmonte me celularin e tij viktimat, video që ua dërgoi të afërmve në Facebook. Menjëherë pas këtij veprimi dhe alarmit që u dha në fshat, Zykaj mori arratinë duke u fshehur në kullotat e fshatit.
Ndërsa policia e kërkonte gjithë natën, 24-vjeçari kontrollonte çdo gjë që ndodhte në rrjetet e tij sociale. I indinjuar nga urrejtja e personave që e mallkonin e shanin për aktin e tij monstruoz, Zykaj ktheu edhe një përgjigjie unanime për të gjithë: “Na keni çarë k…”
24-vjeçari, i cili u pagëzua me pseudonimin “Mostra e Selenicës” u kap nga policia rreth orës 06:00 të mëngjesit duke mos bërë rezistencë edhe pse i armatosur.
Viktimat u gjetën në oborrin e tyre nga gjyshi i Ritvanit, i cili edhe pse në moshë të thyer ishte mundur që t’i kryente nderimet e fundit duke kthyer kufomat e tyre në anën e mbarë.
Ironia e fatit qëndron në faktin se dy prej kushërinjve, viktima të Ritvanit ishin ata që e shpëtuan këtë të fundit nga vdekja. Shtatë vite para masakrës Zykaj ka pësuar lëndime të rënda nga zjarri dhe kanë qenë pikërisht dy kushërinjtë e tij, 2 nga 8 viktimat e tij, Besimi dhe Azem Zykaj ata që i kanë shpëtuar jetën.
Madje, djali i madh i Azemit, i cili i shpëtoi masakrës, e ka marrë në krah dhe e ka hedhur në lumë pasi i gjithë trupi i killerit ishte përfshirë nga flakët. Ndërsa Besimi, gjithashtu i vrarë nga Ritvani, e ka transportuar me urgjencë atë në drejtim të spitalit.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
MALTE- Shqiptari Daniel Muka u arrestua ditën e djeshme nga policia e Maltës pasi kishte ekzekutuar dy persona. 25 vjeçarit iu bë pritë nga policia mirëp...
TIRANË– Aeroporti i Rinasit ka publikuar fluturimet e konfirmuara për ditën e nesërme, 27 gusht 2020. Në një njoftim zyrtar, TIA ka bërë me dije se n...
KAVAJË -Kreu i Bashkisë së Kavajës, Redjan Krali, ka mohuar akuzat për favorizimin e kompanisë “Laguna”, për dhënien e 2000 m2 sipërfaqje pyjore në plazhin...
DURRËS- Një ngjarje e rëndë u regjistrua pasditen e sotme në Durrës rreth orës 18:00, ku pushimet e një familje nga Tirana u kthyen në tragjedi. Një 44-vje...
VLORË – Një skaf në Triport të Vlorës, është përfshirë nga flakët. Burime të Dosja.al kanë bërë me dije se si pasojë e flakëve është lënduar një person, i ...
TIRANË- Drejtori i Përgjithshëm i Kadastrës, Artan Lame ka njoftuar për 23 vende të lira pune. Me anë të një postimi në Facebook, Lame shkruan se për të ri...
TIRANË– Petrit Çarçiu, biznesmeni dhe DJ nga Elbasani, që vetëm dy muaj më parë, më 21 qershor ra pre e një atentati bashkë me të birin, ka v...
POGRADEC- Zbardhet dosja e plotë e ngjarjes që terrorizoi zonën turistike të Volorekës, më 8 gusht të këtij viti. Gazetari Elton Qyno ka siguruar dosjen e Proku...
FUSHË KRUJË– Një vatër zjarri është aktivizuar në fshatin Picrrage të Fushë Krujës. Zjarri rrezikon disa banesa dhe një stallë bagëtish.Zjarrfikësja e...