KAVAJË– Kreu i Partisë Demokratike Lulzim Basha, pas vizitës që bëri në Rrogozhinë ka shkuar në fshatin Luz të Kavajës ku ka zhvilluar një takim me fermerët. Në fjalën e tij, Basha theksoi se qeveria e kryeministrit Edi Rama e hoqi rimbursimin e TVSH-së për të falimentuar fermerët shqiptarë dhe për t’i lënë ata të konkurojnë me produktin e importit.
Ndër të tjera kreu, Basha u shpreh se projekti i shkollës që do të ndërtohet në Kodër Kamëz po bëhet në mënyrë që kryebashkiaku Erion Veliaj, të ketë hapësirë për të ndërtuar edhe pallate.
Mbi të gjitha, Basha theksoi se po shkatërrojnë fidanishten që përdoret si laborator fushor nga studentët e Universitetit Bujqësor të Kamzës.
“Nuk mjafton që u kapën duke vjedhur te Unaza e Re, tani duan të prishin universitetin, do të ndërtoheshin aty dy fakultete të reja. Por shkon ky sejmeni i Ramës, Veliaj dhe thotë do ta marr unë këtë tokën. 200 metra më andej po ta shtyjë projektin e shkollës, mund të bëhet shkolla dhe nuk cënohet masterplani për universitetin që e ka firmosur vetë kreu i qeverisë, por jo se plani nuk është për shkollë. Kjo ishte loja. Ai do të vendosë shkollën aty që pjesën tjetër të ndërtojë pallate 10-katshe. Hajdutëri që shkatërron një investim 50-vjeçar te Universiteti i Kamzës”- tha ai.
Kryedemokrati ‘thumboi’ edhe ish-ministrin Saimir Tahiri, i cili u filmua teksa argëtohej dhe këndonte në një club nate në Tiranë.
“Sytë e botës do të jenë aty për të parë forcën dhe bashkimin e një populli europian. Ju ftoj që të mos mungoni ditën e shtunë. Vjedhja është 100 mijë euro në orë. Ndërkohë që dëgjoni batuat pa kripë të tij, ai vjedh 100 mijë euro, prandaj bashkohuni me ne,”– tha Basha.
Fjala e kreut të PD-së, Lulzim Basha
Akti i fundit i heqjes së rimbursimit të TVSH-së, është akti më criminal që mund të ketë menduar ndonjëherë një qeveri në Europë kundër fermerëve të vet. Rimburson vetëm 6 përqind. Çfarë do të thotë kjo?
Le të marrim qumështin, meqë është dhe kriza e fundit. Kjo do të thotë që grumbulluesi I qumështi ose duhet ta shesë 14 përqind më shtrenjtë produktin në treg dhe të konkurojë me qumështin e importit, ose duhet ta subvensionojë vet, pra të ulë fitimin e vet, që është kundër llogjikës ekonomike. Ose më e thjeshta për fat të keq, të vijë tek ju e të ju thotë: sa e ke qumështin, 600? Jo do ta marr 450! Sepse nuk I marr dot lekët mbrapsht nga TVSH-ja. Kush e mendoi këtë skemë dhe për çfarë arsye?!
E menduan vetëm për një arsye: që të falimentojnë fermerin shqiptar dhe të nxisin importin. Kushdo që e mendoi, kushdo që e vuri në jetë, ka një dhe një përgjegjës që është kryeministri i vendit. Edi Rama për këtë vendim meriton jo vetëm një shuplakë apo një grusht, por një shkelm përfundimtar për ta hedhur në kanal. Aty ku duhen hedhur jo produktet tuaja, por duhet hedhur ky pushtet i korruptuar.
Me 16 shkurt nisëm një ndryshim epokal dhe jam I bindur se siç keni treguar forcën dhe pjesmarrjen tuaj në këtë ndryshim epokal, kështu do të vazhdoni të jeni në ballë të kësaj lëvizjeje që do të ketë një dhe vetëm një përfundim: nisjen e një epoke të re lirie dhe demokracie, një epoke të re drejtësie dhe mirëqenie për çdo shqiptar.
Vëllezër dhe motra, beteja që kemi nisur, nuk është thjeshtë dhe vetëm për largimin e Edi Ramës. Askush më mirë se ju nuk e di se me 16 shkurt, bashkimi popullor deklaroi Edi Ramën dhe regjimin e tij të Rilindjes, të mbaruar e të përfunduar njëherë e mirë. Por betreja jonë është për shumë më shumë se kaq.
Ne duhet të shkulim më rrënjë të keqen që pjell Edi Ramë. Që pjell pushtetarë të korruptuar dhe të lidhur me krimin, që e lidhin fatin e tyre me kriminelët, me oligarkët. Që shtiren para popullit si çlirimtarë dhe sapo ulen në karrigen e kryeministrit fillojnë dhe vjedhin taksat tuaja, pasuritë tuaja, pronat tuaja, të ardhmen e fëmijëve tuaj, spitalet e shqiptarëve, shkollat e shqiptarëve dhe bëjnë gjithçka për të ndalur rrugën tonë drejt Europës. Por, ajo rrugë është shpëtimi ynë.
Kryedemokrati Lulzim Basha ka nisur një tur rreth të gjithë qyteteve të Shqipërisë, teksa i ka ftuar qytetarët në protestën e paralajmëruar të opozitës që do të zhvillohet më 13 prill në orën 18:00 përpara Kuvendit.
Opozita kërkon rrëzimin e qeverisë Rama, ngritjen e një qeverie tranzitore dhe zhvillimin e zgjedhjeve të parakohshme.
(f.m/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
Kryetarja e Lidhjes së Gruas të PDSH-së Albana Vokshi gjatë vizitës së saj në Vlorë komentoi edhe krimet e ndodhura në këtë qytet. Vokshi u shpreh se policia ës...
VLORË– Kryetarja e Lidhjes së Gruas të PDSH-së Albana Vokshi, ishte ditën e sotme e pranishme në Vlorë ku zhvilloi një takim me gratë dhe vajzat e qy...
Kryedemokrati Lulzim Basha ka refuzuar thirrjen për dialog që presidenti Ilir Meta bëri ditën e sotme nga Durrësi. (Lexo këtu)Gjatë vizitës së tij në Rrogozhinë...
KUKËS- Kryetari i Bashkisë së Kukësit, Bashkim Shehu, ka reaguar pas nisjen e procedimit në gjendje të lirë për 13 persona që morën pjesë në protestën e zh...
KAVAJË– Kryetari i Partisë Demokratike, Lulzim Basha ka thumbuar ish-ministrin Saimir Tahiri teksa ishte në një takim me fermerët e fshatit Luzi i Vogël. B...
TIRANË– Ish-kryeministri Sali Berisha ka publikuar një status në profilin e tij në facebook, ku ka denoncuar rastin e korrupsionit në Drejtorinë e Pa...
Tiranë- Ish deputeti i Partisë demokratike Ervin Salianji vjen në një rrëfim ndryshe.I katapultuar tashmë si një nga zërat frontalë kundër qeverisë Rama, Salian...
TIRANË– Zv.kryeministri Erion Braçe ka reaguar me një status në Instagram lidhur me vizitën e kryedemokratit Lulzim Basha në Rrogozhinë. (Lexo...
TIRANË- Pyetjes se “Kë zgjedh mes Bashës dhe Berishës”, ish-deputeti i PD-së Ervin Salianji nuk i jep dot një zgjedhje. (Lexo këtu)Ai ka theksuar se Sali B...
CËRRIK– Kryetarja e LSI-së, Monika Kryemadhi zhvilloi një takim me fermerë të zonës së Cërrikut ku nxorri në pah problematikat e tyre. Ajo theksoi se...