TIRANË– Kryeministri Edi Rama ka reaguar sërish lidhur me riatdhesimin e shqiptarëve që kanë mbetur jashtë vendit si pasojë e mbylljes së kufijëve, pjesë e masave të marra për parandalimin e përhapjes së koronavirusit.
Rama ka marrë si shembull Singaporin, vend i cili kishte numrin më të vogël të të infektuarve e të të vdekurve për numër popullsie deri në momentin kur riatdhesoi 500 studentë të mbetur jashtë dhe i la që të karantinoheshin në shtëpinë e tyre, por pa izoluar familjen e tyre. Në reagimin e tij, kreu i qeverisë ka shkruar se nuk do të tërhiqej nga kushti i vendosur për kthimin në atdhe të shqiptarëve të mbetur jashtë; karantinimi për 14 ditë në një hotel.
“Por ju lutem të gjithë atyre të cilët nuk duan të dëgjojnë, nuk duan të lexojnë, nuk duan të kuptojnë se pse, kjo rrugë është e vetmja dhe s’ka një rrugë tjetër për të mbrojtur popullin e vendin tonë nga një valë e re infektimi. I siguroj që paketa do të jetë shumë e arsyeshme për ta dhe qeveria do të bëjë gjithçka mundet që kostoja financiare e riatdhesimit, të jetë optimale brenda kushteve ku po jetojmë e po veprojmë të gjithë,“-shkruan Rama.
POSTIMI I PLOTË:
Një shembull konkret pse riatdhesimi në këtë fazë duhet të jetë absolutisht i kontrolluar: Singapori u mbajt si shembulli më fantastik i përballjes me epideminë, me numrin mē të vogël të të infektuarve e të të vdekurve për numër popullsie. Por gjërat u përkeqësuan kur u lejua riatdhesimi i pak më shumë se 500 studentëve, të cilëve i’u kërkua të vetëkarantinoheshin në familje, pa futur në karantinë gjithë familjen. Numri i të infektuarve u rrit ndjeshëm, përmes familjarëve të të riatdhesuarve dhe ky ishte një mësim, jo vetëm për Singaporin po edhe për vendet e tjera, të cilat fillimisht ulën ndjeshëm numrin e të riatdhesuarve, duke i detyruar të karantinohen në hotele dhe pastaj filluan të ndalonin fare riatdhesimet. Ne do të rihapim rrugën e riatdhesimeve siç e kemi bërë publike dhe nuk do të tërhiqemi nga kushti i karantinimit të detyruar në hotel! Por ju lutem të gjithë atyre të cilët nuk duan të dëgjojnë, nuk duan të lexojnë, nuk duan të kuptojnë se pse, kjo rrugë është e vetmja dhe s’ka një rrugë tjetër për të mbrojtur popullin e vendin tonë nga një valë e re infektimi, që të paktën, përpara se sa të shajnë e të mallkojnë a thua se kjo është punë qejfi apo dëshire e qeverisë për t’ua vështirësuar riatdhesimin, të të bëjnë edhe njëçikë durim derisa ta shohin konkretisht paketën e riatdhesimit! I siguroj që paketa do të jetë shumë e arsyeshme për ta dhe qeveria do të bëjë gjithçka mundet që kostoja financiare e riatdhesimit, të jetë optimale brenda kushteve ku po jetojmë e po veprojmë të gjithë. Boll me sharje, me akuza, me hesape në hava e me mallkime, sepse kjo është koha që provon se sa di secili të jetë një shqiptar i mirë që sheh përtej hundës së vet dhe që nuk e kthen në argument mllefin apo mosinformimin për atë që flet!
Disa ditë më parë, Rama dha lajmin se shqiptarët e mbetur jashtë do të fillojnë të kthehen në Shqipëri brenda javës. Fillimisht do të ketë fluturime nga Italia dhe më pas nga Gjermania dhe Franca. Të gjithë të riatdhesuarit do të vendosen në hotelet e caktuara nga qeveria për 14 ditë, dhe një ditë qëndrimi në to do të kushtojë 25 mijë lekë të vjetra. Po ashtu edhe bileta do të prenontohet nga udhëtarët, përveç rasteve që kanë prerë kthimin në Shqipëri me “Air Albania”.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Pas një muaji pushim, nesër rikthehet Kuvendi. Kjo do të jetë seanca e parë që do të zhvillohet që pas përhapjes së koronavirusit në vend, ku deput...
TIRANË– Zëvendës kryeministri Erion Braçe u ka bërë thirrje të gjithë qytetarëve që të rrinë të mbyllur në shtëpi. Në një status në profilin e...
TIRANË- Ish-deputetja e Partisë Demokratike, Dhurata Çupi, ka publikuar sot një video ku një shitës tregon listën e banorëve që marrin ushqime e nuk...
Tiranë– Blendi Klosi, ministri i Turizimit ka deklaruar së fundmi se ekspertët po punojnë për një plan konkret, ku do të ketë distancë mes çadrave nëpër ...
TIRANË– Ish-deputeti i Partisë Demokratike ka denoncuar në rrjetet sociale se po fshihet rastet me të infektuar me Covid-19 në Shqipëri. Në një statu...
Ministria e Shëndetësisë ka shpallur fituesit e një tenderi gjigand, me vlerë 20 milionë euro, nëpërmjet një procedure të zhvilluar me konkurencë fiktive dhe në...
DW: Ushtria shqiptare patrullon me automjete të blinduara rrugëve të vendit si masë e marrë nga qeveria kundër virusit Corona. Ndaj kësaj mase ka pasur zëra pro...
Tiranë- Ish-deputetja e Partisë Demokratike, Jorida Tabaku ka deklaruar së fundmi se qeveria mohoi faktet, për vendimin që ka marrë për përjashtuar nga TVSH imp...
Tiranë- Ministrja e Arsimit, Besa Shahini nëpërmjet një videomesazhi në Facebook, ka njoftuar se në testin e maturës nuk do të përfshihen tema që nuk janë zhvil...