TIRANË– Djali i kryeministrit Edi Rama, Gregu ka rrëfyer së fundmi dhimbjen që ka ndjerë pasi humbi njeriun e tij të dashur Kristi Reçin, e cila u shua bashkë me familjen e saj në tërmetin tragjik të 26-nëntorit. Në një intervistë për gazetaren Fjona Meço, në “Euronews”, Greg Rama u pyet edhe për ekspozitën e tij të fundit “Ex Nihilo”, konkretisht për personin që e frymëzoi. Pas kësaj pyetje djali i kryeministrit Rama, rrëfeu se Kristi ka ndikuar jashtë mase shumë në këtë ekspozitë. Gregu u shpreh se ishte ndjerë mjaft keq kur kishte parë lajmet në portale, që shkruanin për daljet e tij me moderatoren Xhesi Muçaj. Djali i Ramës theksoi se i vjen shumë keq edhe për të afërmit e Kristit që vazhdojnë të jetojnë dhe përballen me lajme të tilla në portale. Edhe pse i mërzitur Gregu tha se nuk ka ndërmend të ngrejë padi për portalet.
“Le të mos e personalizojmë shumë këtë pjesë, por nëse pyetja jote është” “A ka lidhje sadopak kjo punë me ngjarjen fatkeqe të tërmetit”, sigurisht edhe ajo ka ndikuar. Ka ndikuar tmerrësisht shumë tek unë, dhe tek krijimtaria ime. Kristi ka qenë një mikeshë dhe më shumë se kaq. E gjithë kjo histori portalesh, lajmesh…në rregull, unë e mirëkuptoj. Nuk ka qenë aspak me qëllime të këqija, por më vjen keq që në shumë raste është neglizhuar pjesa që shpirti i saj dhe i atyre që ikën bashkë me të, të lihet i qetë. Nuk janë lënë të qetë në shumë raste dhe për këtë më vjen keq. Më vjen shumë keq. Tani ajo histori ka kaluar dhe nuk e kthejmë dot më fatkeqësisht, por më vjen po aq keq kur sa herë ju jepet mundësia të komentojnë, për shembull, ndodhi para pak kohësh me një shoqen time, me Xhesin, që u bë një lajm nëpër të gjitha portalet e mundshme që përflitet se është në lidhje me…Shiko unë Xhesin e kam vetëm shoqe më kupton, dhe Xhesi është një vajzë shumë e mirë, është fat ta njohësh jo më ta kesh mikeshë dhe më vjen mirë që në këtë rast ishte Xhesi, e cila ishte shumë mirëkuptuese ndaj këtyre lajmeve sepse mund të ishte dikush tjetër. Mund të ishte, nuk e di, dikush që nuk do e përjetonte aspak mirë një koment të tillë. Njëkohësisht titulli, një lajm që harroi ngjarjen e tërmetit, harroi Kristin dhe gjeti këtë tjetrën, këto janë për mua shumë abuzive, shumë të ftohta dhe për më tepër të pa drejta sepse nuk është fare kështu. Nuk mund të jetë kështu. Më vjen keq jo vetëm për veten, sepse unë tani jam mësuar me lloj-lloj situatash, me lloj lloj komentesh dhe fantazish nga më të paimagjinueshme, por më vjen keq më shumë për të afërmit e saj, që vazhdojnë jetojnë sot e kësaj dite. Për ata nuk është e lehtë, nuk ka qenë aspak e lehtë dhe nuk ka për të qenë e lehtë. Unë e di këtë. Nuk mund të komentohen këto gjëra kështu. Fare mirë dikush mund të vijë edhe të thotë: “Shiko ata kanë bërë diçka të padrejtë, të takon ty që t’i hedhësh në gjyq, që të vihet drejtësia në vend”, por nuk vihet drejtësia në vend duke u marrë edhe duke u përpjekur t’i mbushësh mendjen: “Shiko se kjo është e gabuar”, sepse edhe nëse vjen një moment që ata do ta kuptojnë që “Kjo është gabim, kjo është abuzive, kjo është e padrejtë”, fakti tragjik është që ata që ikën nuk i kthejmë dot më,”– tha Rama më tej.
Gregu është përfolur së fundmi në media për dhimbjen e madhe për të dashurën që humbi jetën nga tërmeti i 26 nëntorit. Sipas mediave italiane, studentja Kristi Reçi që humbi jetën në tragjedinë e 26 nëntorit bashkë me tre familjarët e saj, ishte e fejuara e Gregut prej dy vitesh. Nisur nga postimet, Gregu ende s’e ka hedhur pas krahëve dhimbjen e ndjerë. Mjaftoi një foto që djali i kryeministrit Rama publikoi krah moderators Xhesi Muçaj, për të cilën u shpreh se e ka shoqe, në mënyrë që në portale të aludohej për një histori të re rozë.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
A është filmi “1917”, i bazuar mbi një histori të vërtetë? Po edhe jo. Filmi dramatik me ngjarje nga Lufta e Parë Botërore, me skenar dhe regji të Sem Mendes, t...
SHBA– Marie Osmond, këngëtarja dhe aktorja e famshme ka bërë deklaratën e befasishme, ku ka pohuar se nuk do t’ja trashëgojë pasurinë fëmijëve të saj, por do ta...
TIRANË– Moderatorja e njohur, Arbana Osmani është aktive në rrjete sociale, ku poston foto nga përditshmëria. Duke përgatitur promovimin e radhës, Ar...
… “For Sama” është filmi dokumentar i një gazetareje siriane Waad al-Kateab e cila nisi të xhironte pjesë të këtij dokumentari që prej kohës kur ishte studente ...
Këngëtari me origjinë shqiptare, Gashi ka ndarë një bisedë në rrjete sociale, pasi shprehet i frikësuar për virusin vdekjeprurës që po përhapet me shpejtësi nëp...
MBRETËRI E BASHKUAR- Princ Harry do të jetë gjithmonë i mirëpritur pavarësisht se vendosi të braktisë jetën mbretërore me bashkëshorten e tij Meghan Markle...
TIRANË- Memorie.al publikon historinë e panjohur të Zydi Moravës me origjinë nga fshatrat e Korçës, familja e të cilit nga kushtet tepër të vështira...
TIRANË– Gaz Paja ka treguar se është në punë e sipër për të sjellë një projekt të ri, një tragjikomedi që do të ketë skena të dhimbshme të realitetit shqip...
TIRANË– Aktori i humorit, Gaz Paja në një intervistë për “Motor Plus”, në Vizion Plus ka folur dhe për vazhdimësinë e tij, në emisionin e...
TIRANË– Aktorja Olta Gixhari e ftuar në emisionin “Në Kurthin e Piter Pan”, ka folur publikisht dhe për historinë e saj të dashurisë. E veshur me një fusta...