Politike

Largimi i të rinjve nga Shqipëria/ Rama: S’ka mënyrë për ta ndaluar, jemi vend i hapur

Në takimin me të rinjtë e Tiranës, ai tha se, është e drejta e tyre të provojnë veten në vende të ndryshme të botës.

2 Prill 2026, 09:58 Nga D.S
Largimi i të rinjve nga Shqipëria/ Rama: S’ka mënyrë
Edi Rama

TIRANË- Kreu i qeverisë, Edi Rama u shpreh lidhur me largimin e të rinjve nga Shqipëria duke thënë se nuk ka mënyrë për ti ndalur. Në takimin me të rinjtë e Tiranës, Rama tha se, është e drejta e tyre të provojnë veten në vende të ndryshme të botës.

Sipas tij, Shqipëria ka zgjedhur të jetë një vend i hapur duke pranuar sfidën që njerëzit të lëvizin.

“Nuk ka një mënyrë për ta ndaluar. E dyta, çfarë mund t’i thuhet një të riu 20 vjeç që ka përpara gjithë botën në celular? Është në një realitet të një fshati dhe që thotë dua të shkoj ta provoj veten në Europë, SHBA apo Australi. I thua jo se do të rrish në vendin tënd? Jo, është gënjeshtër. Është në të drejtën e vet. Sa kohë kemi zgjedhur të jemi një vend i hapur dhe lavdi Zotit jo më si në kohën e mëparshme kur s’dilnim dot nga Shqipëria, kemi pranuar sfidën që njerëzit të lëvizin, disa nuk do të kthehen më, disa do të kthehen dhe s’ka një alternativë ndaj kësaj”, tha Rama./Dosja.al

edi rama be be dhe ti

Sondazh

Poll

MË SHUMË