Politike

"Korrupsioni në Shqipëri, shumë më i madh në perceptim se sa në realitet"/ Rama: Që një vend të çlirohet nga korrupsioni, duhet që shërbimet t’ua garantojnë njerëzve institucionet

Në një takim me studentët, ai tha se, shpesh njerëzit e ngatërrojnë korrupsionin me thjesht persona të këqij që duhen çuar në ferr pastaj ne do shpëtojmë. 

2 Prill 2026, 09:36 Nga D.S
"Korrupsioni në Shqipëri, shumë më i madh në
Edi Rama

TIRANË- Kryeministri Edi Rama, u shpreh sot se korrupsioni në Shqipëri është shumë më i madh në perceptim se sa në realitet.

Në një takim me studentët, Rama tha se shpesh njerëzit e ngatërrojnë korrupsionin me persona të këqij që duhen çuar në ferr. Sipas tij, korrupsioni është problem për shkak se institucionet janë në formësim.

“Unë mendoj që korrupsioni në Shqipëri sot është shumë më i madh në perceptim se sa në realitet, jo se në realitet korrupsioni s’është problem. Korrupsioni është problem për shkak se institucionet janë në formësim. Sepse çfarë e bën korrupsionin aktiv dhe të ‘suksesshëm’ është hapësira që ai gjen si një alternativë për personin, ose subjektin që kërkon të marrë një shërbim, të fitojë një të drejtë, dhe të cilën institucionet s’ia garantojnë.

Ky është korrupsioni. Shumë shpesh njerëzit e ngatërrojnë korrupsionin me thjesht persona të këqij që duhen çuar në ferr dhe pastaj ne do shpëtojmë. Jo! Patjetër që ata që kapen me korrupsion duhen dënuar, por vetëm kjo s’e çliron një vend nga korrupsioni. Që një vend të çlirohet nga korrupsioni, duhet që shërbimet t’ua garantojnë njerëzve institucionet”, tha Rama./Dosja.al

edi rama korrupsioni ne shqiperi

Sondazh

Poll

MË SHUMË