Politike

Procesi i integrimit në BE/ Rama: Nuk bëhet fjalë për një kapërcim formal, por për një ndryshim thelbësor

Gjatë fjalës së tij në turin "BE dhe ti", Rama u ndal te pabarazitë aktuale që hasin studentët shqiptarë në universitetet europiane.

2 Prill 2026, 08:36 Nga D.S
Procesi i integrimit në BE/ Rama: Nuk bëhet fjalë për
Edi Rama

TIRANË-  Kryeministri i Shqipërisë, Edi Rama, theksoi përfitimet konkrete që do të sillte anëtarësimi i vendit në Bashkimin Europian për të rinjtë. Gjatë fjalës së tij në turin "BE dhe ti", Rama u ndal te pabarazitë aktuale që hasin studentët shqiptarë në universitetet europiane.

Ai foli rreth mënyrës se si studentët atje paguajnë tarifa më të larta dhe trajtohen si studentë të huaj, pavarësisht potencialit të tyre.

 

“Nuk keni të njëjtat kushte si të studentëve europianë dhe pavarësisht se mund të jeni shumë të zotë, nëse regjistroheni në shkollë, paguani shumë më tepër sesa studentët europianë sepse jeni të huaj. Me anëtarësimin në BE, kjo ndryshon krejtësisht. Ju jeni vendas si këtu në Tiranë, si në një auditor në Lisbonë apo Varshavë, si në një universitet në një nga qytetet e Shqipërisë apo në cilindo nga qytetet e Europës.

Nuk paguani më shumë, nuk keni asnjë vështirësi më shumë për të pasur akses në shërbime dhe nuk jeni të huaj kur vjen fjala për tregun e punës dhe mund ta zgjidhni punën jo më thjesht brenda kufijve të Tiranës, Shqipërisë apo të një qyteti që mund të njihni dikë, por mund të kërkoni punë në çdo qytet të Europës.

Askush nuk ju sheh dhe t’ju thotë nga je ti se këtu është BE. Kjo është një përpjekje që ka kuptim dhe impakt të drejtpërdrejtë për gjithsecilin prej jush. Nuk bëhet fjalë për një kapërcim formal, por për një ndryshim thelbësor të pozicionit dhe raporteve mes vendit e popullit shqiptar dhe popujve të tjerë europianë”, tha Rama./Dosja.al

be dhe ti edi rama

Sondazh

Poll

MË SHUMË