Politike

Hetimet e SPAK për tenderat e AKSHI-t/ Kryhen kontrolle në tre banesa, dyshohen se janë pasuri të Mirlinda Karçanaj

Më herët kryeministri Rama i ka dalë në mbrojtje Karçanajt, duke deklaruar se ajo jetonte në një banesë më qera, por SPAK argumenton se ish-drejtoresha e AKSHI-t zotëron pasuri të përftuar nga aktiviteti kriminal.

31 Mars 2026, 14:29 Nga E.d
Hetimet e SPAK për tenderat e AKSHI-t/ Kryhen kontrolle në tre banesa,
Mirlinda Karçanaj

TIRANË- Prokuroria e Posaçme kundër Korrupsionit dhe Krimit të Organizuar po vijon hetimet lidhur me skandalin e AKSHI-t. Në kuadër të kësaj, SPAK ka nisur kontrollet në një vilë në Qerret dhe në dy banesa të tjera, pasi dyshohet se ato janë pasuri të fshehura të ish-drejtoreshës së AKSHI-t, Mirlinda Karçanaj.

Më herët kryeministri Rama i ka dalë në mbrojtje Karçanajt, duke deklaruar se ajo jetonte në një banesë më qera, por SPAK argumenton se ish-drejtoresha e AKSHI-t zotëron pasuri të përftuar nga aktiviteti kriminal. Hetimet kanë zbuluar edhe një apartament të ish-zëvendës drejtoreshës së AKSHI-t, Hava Delibashi. Një ditë më para SPAK kreu kontrolle në dy vila në Palasë të dy biznesmenëve Ergys Agasit dhe Ermal Beqirit. 

Agasi dhe Beqiri janë në kërkim nga SPAK, ndërsa akuzohen si pjesë e një grupi të strukturuar kriminal që kishte për qëllim përvetësimin e tenderave të agjencisë. Agasi dhe Beqiri akuzohen se drejtonin grupin dhe se u përfshinë në pengmarrje e afera të tjera korruptive.

Hetimet e SPAK për tenderat e AKSHI-t

Prokuroria e Posaçme ka lëshuar urdhër arreste për drejtoreshën e AKSHI-t, Mirilinda Karçanaj, Ergys Agasin dhe biznesmenin Ermal Beqiraj. Për drejtoreshën e AKSHI-it, Mirlinda Kërçanaj, GJKKO ka caktuar masën e sigurisë “arrest shtëpie”, ndërsa për Ergys Agasi dhe biznesmenin Ermal Beqiri janë caktuar masat e sigurisë “arrest me burg”.

Mëngjesin e 16 dhjetorit, dy skuadra me agjentë të BKH-së, shoqëruar dhe nga patrulla të policisë së Shtetit, zbarkuan në ambientet në pronësi te biznesmenit Agasi. Bëhet fjalë për kontrollin e 4 vendeve, banesave në Durrës e Tiranë, si dhe bizneset që zotërohen Ergys Agasi.

Po ashtu është dhënë masë pezullimi nga detyra dhe për zëvendësdrejtorin e Policisë së Tiranës, Erion Ismaili. SPAK gjithsej ka vendosur në masë sigurie 8 persona që janë Ergys Agasi, Ermal Beqiraj, Mirilinda Karçanaj, Hava Delibashi, Erion Ismaili, Andis Papa, G.H dhe Rogers Rryta.

Akuzat kryesore të SPAK janë grup i strukturuar kriminal, shkelje e barazisë në tendera si dhe heqje e paligjshme e lirisë. Prokuroria e posaçme prej gati një viti po hetonte procedurat e 12 tenderave, që dyshohet se janë bërë në shkelje. Ndërkohë personat e përmendur më sipër, por dhe zyrtarë të tjerë, për të cilët është dhënë masa, por që ende nuk dihen emrat e tyre, akuzohen për shkelje barazisë në tendera, korrupsion, shpërdorim detyre dhe pastrim parash./Dosja.al

spak mirlinda karçanaj akshi

Sondazh

Poll

MË SHUMË