Aktualitet

Ndërroi jetë në spital i dënuari me burgim të përjetshëm, zbardhet detajet (EMRI)

Bëhet fjalë për Hysni Repaj, 64-vjeçar i cili mësohet se ka pësuar arrest kardiak respirator duke humbur jetën pavarësisht ndërhyrjes së mjekëve.

30 Mars 2026, 13:56 Nga D.S
Ndërroi jetë në spital i dënuari me burgim të
Spitali Rajonal i Korçës

KORÇË- Një i dënuar me burgim të përjetshëm, ka ndërruar jetë në Spitalin e Korçës. Bëhet fjalë për Hysni Repaj, 64-vjeçar i cili mësohet se ka pësuar arrest kardiak respirator duke humbur jetën pavarësisht ndërhyrjes së mjekëve.

I dënuari vuante dënimin për veprat penale “Vrasje me dashje në lidhje me një krim tjetër” dhe “Armëmbajtje pa leje”, të parashikuara nga nenet 77 dhe 278 të Kodit Penal.

Njoftimi zyrtar:

“Sot, më datë 30.03.2026, rreth orës 09:40, është shoqëruar me urgjencë në ambientet e Spitalit Rajonal Korçë i dënuari me burgim të përjetshëm, Hysni Qamil Repaj, i datëlindjes 15.01.1962, lindur dhe banues në Shkodër. I dënuari vuante dënimin për veprat penale “Vrasje me dashje në lidhje me një krim tjetër” dhe “Armëmbajtje pa leje”, të parashikuara nga nenet 77 dhe 278 të Kodit Penal. Gjatë vuajtjes së dënimit, ai është trajtuar edhe për probleme të shëndetit mendor nga mjeku psikiatër. 

Në konsultën e kryer sot nga mjeku i institucionit, Pajtim Hoxhaj, u konstatua përmes oksimetrit se të rrahurat e zemrës ishin të ulëta (bradikardi). Për këtë arsye, i dënuari u dërgua urgjentisht në shërbimin e urgjencës së Spitalit Rajonal Korçë për vlerësim të mëtejshëm nga mjekët specialistë. Gjatë procedurave të ekzaminimit në këtë spital, gjendja shëndetësore e të dënuarit u përkeqësua, duke përfunduar në arrest kardiak respirator. Pavarësisht ndërhyrjes dhe ndihmës mjekësore të dhënë, ai nuk arriti të rikthehej në jetë, duke rezultuar në humbjen e jetës. Janë njoftuar Prokuroria dhe SHKKB”, shkruhet në njoftim./Dosja.al

 

spitali rajonal i korçës ndërroi jetë në spital i dënuari me burgim të përjetshëm

Sondazh

Poll

MË SHUMË