Politike

“Do të flasim për gjithçka”, Rama: Nisim takimet në të gjithë territorin, fokus komunikimi me qytetarët 

Sipas tij, fokus i këtij cikli takimesh është kominikimi me qytetarët dhe ndarja e sfidave të përbashkëta, për të cilën tha se përgjegjësia kryesore i takon  qeverisë.

29 Mars 2026, 10:04 Nga E.d
“Do të flasim për gjithçka”, Rama: Nisim takimet
Edi Rama

TIRANË- Kryeministri i vendit, Edi Rama ka deklaruar ditën e sotme se do të nis takimet me qytetarët në të gjithë territorin, me qëllim komunikimin e hapur me ta. Gjatë podcast-it të tij “Flasim” Rama u shpreh se, në këto takime do të flitet për punët e Shqipërisë dhe pengesat që duhen kapërcyer.

Sipas tij, fokus i këtij cikli takimesh është kominikimi me qytetarët dhe ndarja e sfidave të përbashkëta, për të cilën tha se përgjegjësia kryesore i takon  qeverisë.

Edi Rama: Dhe në mbyllje të shënimeve, dua të nënvizoj se kemi hyrë tanimë në një fazë të re komunikimi më të drejtpërdrejtë dhe natyrisht në të gjithë territorin, ku do të angazhohemi me një cikël takimesh me komunitetet në të gjitha qarqet për të folur për këtë moment të rëndësishëm të vendit, për punët që kanë nisur në këtë mandat të katërt, për punët që do të nisin së shpejti dhe natyrisht për të dëgjuar njerëzit.

Dhe në funksion të organizimit, që si gjithmonë ne e nisim me kohë për atë që do të jetë fitorja e ardhshme shembullore e Partisë Socialiste vitin e ardhshëm në zgjedhjet vendore.
Në këto takime do të flasim për punët e Shqipërisë, do të flasim për çka po ndërtojmë, do të flasim për çka shohim si pengesa për t’u kapërcyer.

Do të flasim për gjithçka që njerëzit do të duan të ndajnë me ne apo duan të dëgjojnë nga ne. Dhe patjetër do të ndajmë me njerëzit ato që janë sfida tërësisht të përbashkëta, ku natyrisht përgjegjësia kryesore i takon, dhe s’ka sesi të jetë tjetër, qeverisë./Dosja.al

edi rama podcast takime

Sondazh

Poll

MË SHUMË