Sport

Kapiteni Lewandowski nuk i fsheh ambiciet para ndeshjes 'play-off' me Shqipërinë...

“Nuk e shoh ndeshjen ndaj Shqipërisë sikur të jetë e fundit për mua me kombëtaren polake”

21 Mars 2026, 13:00 Nga DOSJA

Kapiteni Lewandowski nuk i fsheh ambiciet para ndeshjes 'play-off' me

POLONI - Polonia do të presë në Varshavë, Kombëtaren shqiptare për ndeshjen e play-off-it të Botërorit të vitit 2026. Sulmuesi polak ka folur në lidhje me këtë ndeshje, duke dhënë mesazhin se ai dhe skuadra e tij do të bëjë gjithçka për të qenë në kompeticionin madhor që do të mbahet në SHBA, Kanada dhe Meksikë.

“Nuk e shoh ndeshjen ndaj Shqipërisë sikur të jetë e fundit për mua me kombëtaren polake, - është shprehur Lewandowski, - po e trajtoj si një ndeshje gjysmëfinale play-off-i që duhet ta fitojmë.

Dhe më pas do të luajmë në finale dhe të kualifikohemi për në Kupën e Botës. Ne mund të luftojmë për kualifikimin vetëm duke luajtur si një skuadër. Ky është qëllimi për të gjithë Poloninë dhe ne do të bëjmë gjithçka që kjo të ndodhë.”

Robert Lewandowski ka shënuar vetëm 1 gol ndaj kombëtares shqiptare, në ndeshjen e 21 shtatorit të 2021 për kualifikueset e Botërorit 2022, ku Polonia fitoi me rezultatin 4-1. 

Sfida mes Polonisë dhe Kombëtares shqiptare do të luhet në 26 mars. Fituesja e këtij çifti do të përballet në finale me fituesen e çiftit Ukrainë-Suedi.

B.T (Dosja.al)

Sondazh

Poll

MË SHUMË